Marcos 7:10 - Biblia Dc en Mixe de Quetzaltepec

¹⁰ Jä'ä ko ja Moisés y'ënäny: wintsë'ëkëtë mtaak mteety, ets pën ja tyaak tyeety pyojkpy, ookëp yë'ë.

Biblia Mixe de Quetzaltepec

¹⁰ Jä'ä ko ja Moisés y'ënäny: wintsë'ëkëtë mtaak mteety, ets pën ja tyaak tyeety pyojkpy, ookëp yë'ë.

Marcos 7:10 ပူးပေါင်းရင်းမြစ်များ

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Éxodo 21:17

Pën pyojkpyën yë tyeety tyaak, kopkpëky ko y'ookëty.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Mateo 15:4

Jä'ä ko jëtu'un ja Dios y'ënä'äny: wintsë'ëkë mtaak mteety, ets pën ja tyaak tyeety kyajpxpojkpy, ookëp yë'ë.

Marcos 10:19

Mnija'ap ja Dios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.