Marcos 6:48 - Biblia Dc en Mixe de Quetzaltepec

⁴⁸ Tääts ja Jesús ojts t'ixy ko ja y'ijxpëjkpëtëjk tsip tjantykyaaptë ja nëë, jä'äkyëjxm ko tëkatsy pyojy, pojwinpijtp ja kepy nëëwinye'epyë. Ko jyopyëp'ajty, ënät ja Jesús ojts tninëjkxy ja y'ijxpëjkpëtëjk ye'epy nëëwiinkëjxy nyijkxy ets tnajtspatëy jawäänë tkawinajxy ja y'ijxpëjkpëtëjk.

Biblia Mixe de Quetzaltepec

⁴⁸ Tääts ja Jesús ojts t'ixy ko ja y'ijxpëjkpëtëjk tsip tjantykyaaptë ja nëë, jä'äkyëjxm ko tëkatsy pyojy, pojwinpijtp ja kepy nëëwinye'epyë. Ko jyopyëp'ajty, ënät ja Jesús ojts tninëjkxy ja y'ijxpëjkpëtëjk ye'epy nëëwiinkëjxy nyijkxy ets tnajtspatëy jawäänë tkawinajxy ja y'ijxpëjkpëtëjk.

Marcos 6:48 ပူးပေါင်းရင်းမြစ်များ

Génesis 19:2

Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 32:26

Ënet ja naaxwiinyëtë ja'ay ojts ja Jacob y'ënë'ëmxëty: Ëxmajtskës, jä'ä ko tää xyiinyënë. Pën ka'apës xymyo'oy yë kënu'kxën, ka'ap yam mijts n'ëxmatsëty, jëtu'un y'ëtsooy ja Jacob.

Job 9:8

Ko yë tsajp twijtstëëy, ka'ap ojts pën pyutëkëty ets ko tyajkutëkooy yë mëjëtypë jëyujk, näy ka'ap pën pyutëjkëyë.

Salmos 104:3

Mijts të xypyëjktä'äky yë nyixeny yë mjëën mtëjk nëëwiinkëjxy, mëti'ipë jam tsajpjotm mtuktsëna'ayëpën. Ko muum mnëjkxy pojjoty yootsjoty mjëtity.

Salmos 93:4

e mijts Wintsën, ko m'ity ets myajpaaty jam këjxm ni'ik yë mëk'ajtën xymyëëtëty këtiinëm jyëtu'unëty yë mëjnëë ko jyä'tsminy jyä'tsxëpy ets ko nëkooyë pyëtë'knë nëë o'pky.

Éxodo 14:24

E kujk ënety ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Dios jap ënety yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Mateo 14:24

ja kepy nëëwinye'epyë tëë ënety këjää tmëjëkämkäknë ja wintë'ëts naax. Yajxon ja kepy nëëwinye'epyë jyänty pyojyu'kxy, jä'ä ko jëëmpit'äämpy ënety pyojy.

Mateo 24:43

Yë'ë nijawëtë, ko jeexyë tu'uk ja kutëjk nijawë ko koots myina'any ja mä'tspë ma tyëjkën, ka'ap jeexyë myaanaxy këtiipë tyëkëty ja mä'tspë ma tyëjkën ets tyonëty myäätsëty.

Marcos 13:35

Näyjyëtu'un miitsëty, xëmë mjëjp'ixtëty, jä'ä ko ka'ap xynyijawëtë jëna'a jya'ta'any ja wintsën mëti'ipë kutëjk'ajtpën; ajotkumonë nëjkx jyä'ty: Wä'än ux jajmony, ëkë tsu'um, ëkë tsu'umnaxy, ëkë tsajp'okpu'uy.

Marcos 6:47

Ko kyootsëy, tam ënety ja kepy nëëwinye'epyë mejy itkujkm. Yë Jesús tëë ënety nätyu'uk wyi'imy jam naaxwintë'ëtstum.

Marcos 6:49

Ko ja y'ijxpëjkpëtëjk y'ijxpatëtë ko nëëwiinkëjxy myiny yä'äp, jëtu'un t'ijxtë tiipoj yowë miimp. Ënet tyëjkëtyë yaxpë jojkpë,

Lucas 12:38

Akujk jotkujk yajpaatë ja tuunpëtëjk mëti'ipë wijy kejy yajpatëpën, oy ja wintsën tyimja'tëty tsu'umkujk, ëkë jopyëp ëkë koots.

Lucas 24:28

Ko tmëwinkoontë ja kajpn ma ënety jya'ta'antën, ënät ja Jesús ye'eytsyo'ony pe'tym ijxtëm jeexyë jyotëkoyën.

Juan 1:13

Ka'ap yë'ëkyëjxmëty ja Dios y'u'unk'atëtë ko të myëxu'unk'atë ijxtëm naaxwiinyëtë ja'ayën ets ka'ap yë'ëkyëjxmëty ko yë'ë të tsojkën'atë, yë'ë ko Dios të yajkoj të pyëjkta'akëtë.

1 Samuel 11:11

Komjëpom tëkëëkpëky ojts yë Saúl tyajwä'kxy yë tsiptuunpëtëjk, e kajts ënety xyiinyënëm ko jam tyëjkëtyë ma ja myëtsipëty jam jyajta'aktën. Wa'ats tyaj'o'ktaaytyë ja Amón ja'ayëty ets jëtu'un tyimkujkxyëëwëy. E mëti'ipë ojts jyaakwë'ëmtën juuky ojts nyäpyuwa'ktuta'ajëtë ets nitu'uk ojts kyawë'ëmtë.