Marcos 6:34 - Biblia Dc en Mixe de Quetzaltepec

³⁴ Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

Biblia Mixe de Quetzaltepec

³⁴ Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënät t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënät tyaj'ijxpëjktso'ony kanaakjëjp.

Marcos 6:34 ပူးပေါင်းရင်းမြစ်များ

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

2 Crónicas 18:16

Ënet ja Micaías ya'atë ja aaw ayuk tkajpxpëtsëëmy: Tëës n'ixy wi'ix ja Israel ja'ayëty yajpaatën axit ako'owë jam tunkëjxm, jëtu'un tä muum yajpaatën yë kupixyny mëti'ipë ka'ap nyiwintsënën. Jëtu'un ja Wintsën të y'ënä'äny: Tyaapë ka'ap pën nyiwintsën, wä'än tim nyëjkxta'atë ma tyëjkëtyën.

Isaías 13:14

Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Ezequiel 34:5

Yë nkupixynyës jëtu'unyë të wyi'imy ka'ap pën kyëwent'ajtpë, tëë ye'eywya'kxta'atë ets të tsyu'tsta'ajëtë yë jëyujk.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 15:32

Tääts ja Jesús tmëkajpxmujky ja y'ijxpëjkpëtëjk ets t'ënëmaay: Mpa'ëyoopyës ya'atë ja'ayëty, jä'ä ko tëë tyëkëëkxëëwpäjnë ma yaa y'itën mëët ëjts, ets ka'ap tmëët'atë tii kyäytyëp jyë'kxtëpën. Ka'apës nkäxa'antë ma tyëjkën ayuu, jä'ä ko tsojk muum yuukëtawtëty tu'ujoty.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Marcos 6:33

May ja ja'ay y'ijxëtë ko tsyo'ontë ets y'ijxkajpëtë ko jyä'ä'atë. Ënet kanaak kajpn tsyo'ontë pëyi'ikyë ets jëwyiin jam jyajtë ja ja'ayëty, ok ja Jesús mëët ja y'ijxpëjkpëtëjk.

Marcos 6:35

Tsu'ujënëp ënätynyë ko ja y'ijxpëjkpëtëjk nyimiinëtë ets y'ënëmaayëtë: Tëë tsyu'ujënë ets apak ya'atë itjot.

Marcos 8:1

Tëkok ja mayjyä'äy myujktë ma ja Jesús ënety jamën, ka'ap tii tmëët'atë tii kyäytyëpën. Ënet ja Jesús tyaxëy ja y'ijxpëjkpëtëjk ets t'ënëmaay:

Marcos 8:2

Mpa'ëyoopyës ya'atë ja'ayëty, jä'ä ko tëkëëk xëëw tyamnë ma mëët nyajpatëmën ets ka'ap tmëët'atë tii kyäytyëpën.

Lucas 9:11

Ko ja mayjyä'äy tnija'awëtyë, tääts ojts tpanëjkxtë. Jesús kyupëjk ja mayjyä'äy ets tukmëmëtyäky ja Dios ja kyutujkën ets ja pa'amja'ay nimay tyajtsoky.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.