Marcos 6:15 - Biblia Dc en Mixe de Quetzaltepec

¹⁵ Tam ja wiinkëtypë mëti'ipë ënantëpën: Elías yë'ë, Dios kyäjpxynyajxpë. Ets mëti'ipë ënantëpën: Dios yë kyäjpxynyajxpë ijxtëm tëëyëp myiintën.

Biblia Mixe de Quetzaltepec

¹⁵ Tam ja wiinkëtypë mëti'ipë ënantëpën: Elías yë'ë, Tios kyäjpxynyajxpë. Ets mëti'ipë ënantëpën: Tios yë kyäjpxynyajxpë ijxtëm tëëyëp myiintën.

Marcos 6:15 ပူးပေါင်းရင်းမြစ်များ

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Marcos 8:28

Ënet ja Jesús ja y'ijxpëjkpëtëjk y'ëtsoowtë: Tam mëti'ipë ënantëpën ko mijts Juan Yajnëëpäjtpë, wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë.

Mateo 16:14

Ets y'ëtsoowtë: Tam mëti'ipë ënantëp ko mijts Juan Yajnëëpäjtpë, tam mëti'ipë ënantëp ko mijts mEliiësëty ets tam mëti'ipë ënantëpën ko mijts mJeremiiësëty ets wiinkpë y'ëna'antë ko Dios käjpxynyajxpë mijts.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Juan 9:17

Ënet ojts jatëkok tyajtëëwkojnëtëpë mëti'ipë ënety wiints të yajpaatyën: E mijts, ¿wi'ix m'ëna'any, pën yë'ë mëti'ipë të myaj'ijxë'ëkyën? Ets ja ye'etyëjk y'ënäny: Jëtu'unës n'ëna'any ko Dios yë kyäjpxynyajxpë.

Juan 7:40

Jam may mayjyä'äyjyotm y'ënantë ko jëtu'un tmëtoowtë: Tëy ko ya'atë yë'ëjëty yë Dios yë kyäjpxynyajxpë.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Dios kyäjpxynyajxpë, ¿tiixë ko myajnëëpety?

Juan 1:21

Tääts tjaakyajtëëwtë: ¿Mpënxën mijts? ¿Dios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Dios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Lucas 9:19

Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë të jyuukpyiky mëti'ipë tëëyëp juukyajtpën.

Lucas 9:8

wiinkpë y'ëna'antë ko ja Dios ja kyäjpxynyajxpë Elías të kyëxë'ëky ets ja wiinkpë y'ëna'antë ko yë'ë nitu'uk ja Dios ja kyäjpxynyajxpë të jyuukpyiky.

Lucas 7:39

Ko ja fariseë ojts jëtu'un t'ixy ja mëti'ipë ënety të wyoyën ja Jesús kääpyë, jëtu'un myäy tyäjy: Ko jeexyë ya'atë ja'ay Dios kyäjpxynyajxpë'atyë, tëë jeexyë tnijawë wi'ix ya'atë to'oxytyëjk jyä'äy'ätyën mëti'ipë toonëp majtsëpën, yë'ë pokyjyä'äy yë'ë.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Lucas 1:17

Ya'atë Juan, yë'ë nëjkx jëwyiin nyijkxy, mëët ja jyot jya'awën ja käjpxynyajxpë Elías. Yë'ëts ja u'unktaak u'unkteety nëjkx tyajnämyë'oypyikyë mëët ja y'u'unk y'ëna'k ets tjatëty wi'ix ja Dios tmëmëtowtëtyën. Jëtu'unts ja ja'ay tnipëjktaakëty ets tjëjp'ixtëty ja Wintsën.

Marcos 6:16

Ko Herodes jëtu'un tmëtooy, ënät y'ënäny: Juan yë'ë, jä'ä mëti'ipës ojts ja kyëpajk ni'ënä'ämën ets yajkatspuxëty. Jä'ä të jyuukpyiky jatëkok.