Marcos 6:14 - Biblia Dc en Mixe de Quetzaltepec

¹⁴ Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënety ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Biblia Mixe de Quetzaltepec

¹⁴ Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënäty ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Marcos 6:14 ပူးပေါင်းရင်းမြစ်များ

2 Crónicas 26:15

Jam Jerusalén ojts jam tyajkojy tuunpäjn mëti'ipë yajmëtsiptuunpën, mëti'ipë jam pyëjktakën muum kopkkëjxm ets jam muum tëjkëpajkm ets jam kyuti'pxnaxtëty ja ja'ayëty mëti'ipë kyuwantëpën. Yë Uzías mëj'äämpy ojts muum nyäxy ets ojts myëjë kyëjääjë ja myëj'ajtën kyutujkën. Wintsën Dios ojts kë'ëm pyutëkëty.

2 Crónicas 26:8

Yë Amón ja'ayëty yajktëp ijty yë kyëpäjtën jam ma Uzías yajkutukyën, Uzías akäjpxy ojts y'ity jampaat Egiptë, jä'ä ko yë'ë ojts myëjtëkë yë kyutujkën.

Mateo 9:31

Tim je'eyë jam tsyo'ontë ets tmëtyaakëtijtaatyë ko ja Jesús ënety tëë yaj'ijxpëkëtë.

Marcos 1:28

Pojën ja ja'ay tnija'awëtyë jam Galiletë y'itjotm mëti'ipë ja Jesús tyuunpy kyäjpxypën.

Marcos 1:45

E ja ja'ay ni'ikyë ojts tmëtyaakwä'kxy wi'ix ënety të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Marcos 8:28

Ënet ja Jesús ja y'ijxpëjkpëtëjk y'ëtsoowtë: Tam mëti'ipë ënantëpën ko mijts Juan Yajnëëpäjtpë, wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë.

Lucas 13:31

Tam ja fariseë ja'ayëty mëti'ipë ja'ajtën ma ja Jesús jamën ets t'ënëmaaytyë: Nikë oy ko mtsoonëty yaa ets mnëjkxëty wiinktsow, jä'ä ko myaj'ookanëp yë Herodes.

Lucas 3:1

Mëmajkmokx jëmëjt ënety y'ëne'emy ja yajkutujkpë Tiberio César ets ja Poncio Pilato yajkutuky jam Judea. Ja Herodes jam yajkutuky Galilea, ja myëkä'äx Felipe jam yajkutuky Iturea ets Traconite e ja Lisanias jam yajkutuky Abilene;

Lucas 7:17

Yajknija'awëtyääy jënu'un ja ja'ay tsyëënëtën jutiis ja'ayëty y'itjotm ko ja Jesús ënety të tyajjuukpyiky ja o'kpë.

Lucas 9:19

Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë të jyuukpyiky mëti'ipë tëëyëp juukyajtpën.

1 Tesalonicenses 1:8

Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Dios. ¿Wi'ixës njaaktimy'ëna'anëty?

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.