Marcos 5:43 - Biblia Dc en Mixe de Quetzaltepec

⁴³ Ja Jesús mëk'äämpy ojts tuk'ëne'emy ja ja'ayëty ets ka'ap pën tuk'ëwaanëtëty ko ënety jëtu'un të tyuny të jyätyë ets ja u'unkteety u'unktaak yaj'ënëmaaytyë wä'än tyajkaytyë ja kiixy u'unk.

Biblia Mixe de Quetzaltepec

⁴³ Ja Jesús mëk'äämpy ojts tuk'ëne'emy ja ja'ayëty ets ka'ap pën tuk'ëwaanëtëty ko ënäty jëtu'un të tyuny të jyätyë ets ja u'unkteety u'unktaak yaj'ënëmaaytyë wä'än tyajkaytyë ja kiixy u'unk.

Marcos 5:43 ပူးပေါင်းရင်းမြစ်များ

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Marcos 7:36

Tä ja Jesús ojts t'ëne'emy ets ka'ap pën tuk'ëwaanëty. Oyts jënu'un mëktä'äky ja Jesús tjatuk'ëne'emy ja ja'ay ets ka'ap pën nyimëtya'akëtëty, wäänëni'ik ja ja'ay tjantynyimëtya'aktë.

Marcos 1:43

Ënet ja Jesús ojts nyäjyëkäjpxyë ma yë'ëjën ets mëktä'äky y'ënëmaayë: Ix, ka'ap pën xytyuk'ëwaanëty. Nëjkx yë teety wintsën ix ets xytyuk'ixëty ko të mtso'oky ets xytyukmëyoxëty ja Dios ja wyintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko të mtso'oky.

Mateo 9:30

Ënet ojts y'ijxë'ëktë ets ja Jesús mëktä'äky y'ënëmaayëtë: Këtii tëy pën xytyuknijawëtëty.

Juan 5:41

Ëjts, ka'apës nyajtuny ja mëj'ajt oyajtën mëti'ipë ja'ay yajktëpën.

Lucas 8:56

Mëj ixy ja tyaak tyeety t'ijxtë. Tääts ja Jesús y'ënëmaayëtë ets ka'ap pën tuk'ëwaanëtëty ko jëtu'un të tyuny të jyätyë.

Lucas 5:14

Ojts ja Jesús tyuk'ëne'emyë: Ka'ap pën xytyuk'ëwaanëty. Nëjkx yë teety wintsën tuk'ix ko tëë mtso'oky ets xytyukmëyoxëty ja Dios ja wyintsë'kën, jëtu'un ja ja'ay nijawëtëty ko tëë mtso'oky.

Marcos 3:12

Tääts ja Jesús ojts mëktä'äky y'ënë'ëmxëtë ets ka'ap pën tuk'ëwaanëtëty pën yë'ë.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Hechos 10:41

Ka'ap ja ja'ay ni'ëmukë t'ijxtë, ëëts je'eyë n'ijxtë, mëti'ipë ja Dios të twin'ixyën. Ojts ëëts mëët nkaytyë n'uuktë ko jyuukpyijky.

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Marcos 5:42

Tääts ja kiixy u'unk ënätyë pyëti'ky ets ye'eypyijky, jä'ä ënety ja jyëmëjt majkmäjtsk. Ënet ja ja'ay janty mëj ixy t'ijxtë ets amonyë ojts tyimwë'ëmtë.

Marcos 9:9

Ko kyëtaknëtë, tsyo'onëtë jam kopkëjxm, ënät ja Jesús y'ënëmaayëtë ets ka'ap pën tuk'ëwaanëtëty mëti'ipë të t'ixtën, koonëm jyuukpyëkëty jatëkok.