Marcos 5:26 - Biblia Dc en Mixe de Quetzaltepec

²⁶ Yajxon ënety të tku'ëyo'owënë ja pa'am ko ja tsooy may tjë'kxnë, tëë ja myeeny ënety tyajkëjxnë mëti'ipë myëët'ajtypyën ets nijënu'un kyatso'oky, ni'ikyë ja pya'am myëjtaknë.

Biblia Mixe de Quetzaltepec

²⁶ Yajxon ënäty të tku'ëyo'owënë ja pa'am ko ja tsooy may tjë'kxnë, tëë ja myeeny ënäty tyajkëjxnë mëti'ipë myëët'ajtypyën ets nijënu'un kyatso'oky, ni'ikyë ja pya'am myëjtaknë.

Marcos 5:26 ပူးပေါင်းရင်းမြစ်များ

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

Salmos 108:12

Putëjk pupäjtëk ëëtsëty ets ja nmëtsiptëjkëtyës nmëmëta'aktëty, jä'ä ko yë naaxwiinyëtë ja'ay oy jënu'un jyaputëk jyapupätëty, ka'ap nimaa tsyowpaaty.

Jeremias 51:8

Ajotkumonë yë Babilonyë kajpn të y'ëkëtykyuka'anaxy ets xit ko'ow të jyajta'ay. Nijë'ë niya'axtë tääpë kajpn. Mëmintë yë nyi'aay nyitsooy yë tsyëtyut ets yaj'ixëty pën tsokp.

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Marcos 5:25

Jamts ja to'oxytyëjk ënety tu'uk mayjyä'äyjotm mëti'ipë pëjkëpën. Majkmäjtsk jëmëjt ënätynyë ma ja pyo'omayë pyatënën.

Marcos 5:27

Ko ojts tmëtoy ko yajnimëtyä'äky ja Jesús, ënät tpamiiny ja mayjyä'äy ets ojts toonë ja Jesús ja wyit.

Lucas 8:43

Jamts tu'uk ja to'oxytyëjk mëti'ipë majkmäjtsk jëmëjt ënätynyë ma ja pyo'omayë pyatënën ets ka'ap tyajxmony; kanu'unpë ënety meeny të tyajtuunë ko ja tsooy tjuy ets ja yajtsooypyäjtpë jyayajtsooypyetyë, ets ni pën tkajaty yajtso'okëtëty.