Marcos 5:23 - Biblia Dc en Mixe de Quetzaltepec

²³ Ënet tmënu'kxtäky, jëtu'un t'ënëmaay: Ookaanpës ja nnëëx. Mëta'ak jaamkoj timtyämyë ets xykyë'ënixajëty wä'än tso'oky ets jyaak juuky'atëty.

Biblia Mixe de Quetzaltepec

²³ Ënät tmënu'kxtäky, jëtu'un t'ënëmaay: Ookaanpës ja nnëëx. Mëta'ak jaamkoj timtyämyë ets xykyë'ënixajëty wä'än tso'oky ets jyaak juuky'atëty.

Marcos 5:23 ပူးပေါင်းရင်းမြစ်များ

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

Salmos 107:19

E jam ma ënety jëtu'un mon tuk yajpaatën, jam ojts yë Wintsën tmëkajpxtë, tä ojts yajpëtsëmëtë jotmayjoty.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Mateo 8:3

Tääts ja Jesús ojts tony ets t'ënëmaay: Ntsojkpyës ets mtso'okëty ets mwa'atsëty. Tso'ok ets wë'ëm wa'ats. Je'eyë ja Jesús jëtu'un y'ënäny ets ja ja'ay ja pyu'uts ënätyë tsyokaay ets wyatstaay ja nyini'kx.

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Marcos 5:24

Tääts ja Jesús ojts mëët nyijkxy ja Jairo. Nimay ja ja'ay ojts pyatsoonyë; yajxon y'atijmujkënë mayjyä'äy.

Marcos 6:13

May ja ku'oypyë t'ixkäjxtë tyajtsoktë ja pa'amja'ay ko ja on olivë tukjaaxtë.

Marcos 7:32

Jamts ojts tu'uk yajtukniminy mëti'ipë ënety natën ets uum, ënät ja Jesús yajmënu'kxtäky ets tkë'ënixajëty.

Marcos 8:23

Ënet ja Jesús twijtsë'ky kyë'ëkëjxy ja wiints ets twoowpëtsëëmy jam kajpnjotm. Ënet tuktwinkutsujëy ja wiints ets ojts mëët ja kyë'ë tja'axëtity. Ojts tkë'ënixajy ets tyajtëëy pën ijxp.

Lucas 13:13

Tääts ojts tkë'ënixajy ets kyoowkujkëy, ojts ja jyëxk tyiy ets ja Dios tmëjja'aw tjaantyja'awëy.

Lucas 4:38

Tääts ja Jesús wya'kujkëy ets pyëtsiimy jap tsajptëkoty, jam ojts nyijkx ma ja Simón ja tyëjkën. Pëjkëp ënety jam ja Simón ja tyaak më't, jëënpa'am myëët'ajtyp. Tääts ja Jesús tmëpëjktsoowtë ets tyajktso'okëty.

Lucas 4:40

Ko ja xëëw kyëtäky, ënät ja Jesús yajtuknimiiny ni'ëmukë ja pa'amja'ay wi'ixëty pën pyikyë, ja Jesús ojts tkë'ënixajy tu'uktu'uk ets tyajtsoktaay.

Lucas 7:12

Ko tmëwinkoony ja kajpn, ënät ojts t'ijxpaaty ko tu'uk ja o'kpë yajmënëjkxy ets tyajnaaxtëkëja'antë. Tu'kpajkpë tmaank'atyën tu'uk ja ku'ookytyo'oxy. May ja ja'ay jam pyanëjkxyë.

Juan 11:3

Ënet ja Lázaro ja myëkä'äx nimäjtsk ojts tnikäxëtë ja Jesús: Wintsën, pëjkëp ja mmëku'uk mëti'ipë ni'ik mtsojkpyën.

Hechos 28:8

Ja Publio ja tyeety jëënpa'am ets ja ne'pnypya'am ënety jam pëjkëp. Ënet ja Pablo ojts tkukajpxë. Ko ja Dios ojts tuknija'amyätsë ets ojts tkë'ënixajy, ënätyë tsyoky.

Hechos 6:6

Tääts jam tyajmiintë ma ja ijxpëjkpëtëjkëtyën ets ja Dios tuknija'amyäjtsëtë ets ojts tkë'ënixajtë.

Hechos 8:17

Tääts ja Pedro ets ja Juan ja ja'ay ojts tkë'ënixajtë, ets ja Kënu'kxymyëkajtën ojts t'ëxajëtë.

Hechos 9:12

Näy tëë yajktuk'a'ijxnaxy ko mijts mnëjkxa'any, ets xykyë'ënixajëty ets y'ijxpëkëty.

Hechos 9:17

Tääts ja Ananías ojts tninëjkxy ja Saulo. Ko tëkoty tyëjkëy, tää ojts tkë'ënixajy ets t'ënëmaay: Mëku'uk Saulo, Wintsën Jesúsës të xykyexy, mëti'ipë ojts xy'ixyën tu'ujotm. Të xykyexyës ets mijts jatëkok m'ijxpëkëty ets ja Kënu'kxymyëkajtën xy'ëxajëty.