Marcos 5:15 - Biblia Dc en Mixe de Quetzaltepec

¹⁵ Ko jyajtë ma ja Jesús jamën, ënät ojts t'ixtë ja ja'ay mëti'ipë ënety të tmëët'atyën ja ku'oypyë, ko tam y'u'unyë xoxy pëky, tëë wyijnë kyäjnë. Ënet ja ja'ay tsyë'këtyë.

Biblia Mixe de Quetzaltepec

¹⁵ Ko jyajtë ma ja Jesús jamën, ënät ojts t'ixtë ja ja'ay mëti'ipë ënäty të tmëët'atyën ja ku'oypyë, ko tam y'u'unyë xoxy pëky, tëë wyijnë kyäjnë. Ënät ja ja'ay tsyë'këtyë.

Marcos 5:15 ပူးပေါင်းရင်းမြစ်များ

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

2 Timoteo 1:7

Dios ka'ap yë'ëjëty të xymyo'oyëm ja jot ja'awën mëti'ipë yajtsë'këpën, yë'ë të xymyo'oyëmë ja kënu'kxymyëk'ajtën mëti'ipë myëët'ajtypyën ja mëk'ajtën, nätsyok näjyawë ets wijy'ajt kujk'ajtën.

Lucas 8:27

Ko ja Jesús pyëtsiimy kepy nëëwinye'epyëjoty ënät nyimiinë tu'uk ja kukajpn mëti'ipë ku'oypyë myëët'ajtypyën. Tëëyëp ënety ja wyit t'ixjäänë, ni kyatsëënë tëkoty, jam tsyëënë ma o'kpë yajpëjkë'ëktën.

Marcos 5:9

Tääts ja Jesús tyajtëëy: ¿Ti mxëëw'ajtyp? Ets ja ku'oypyë y'ëtsooy: Legiónkës nxëëwajtyp, jä'ä koos nimay'atë.

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Salmos 14:5

Tsë'ëkëjantëp yë'ëjëty, jä'ä ko yë Dios yë'ë mëët yajpaaty mëti'ipë mëmëtoowëpën.

Job 13:11

Je'eyë nëjkx tsë'ëkë ets tsëtyuyë xymyënax xyajnaxtë ko ënety xy'ijxëtë myëj'ajtën.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

Marcos 5:18

Ko ja Jesús wyimpijty kepy nëëwinye'epyëjoty, ënät ja ja'ay y'ënëmaayë mëti'ipë ja ku'oypyë ënety të t'ëkmëët'ajtpën ko pyatsoona'anyë.

Marcos 5:16

Pënjaty ënety të t'ixtën, ojts nimëtya'aktë wi'ix ënety të jyäty të kyëpetyën ja ja'ay mëti'ipë të t'ëkmëët'ajtpën ja ku'oypyë ets wi'ix ënety ja may ëtsëm të jyatën.

Marcos 5:4

Jä'ä ko tëë ënety kanaak ok jyayajtsumy, ënätyë tukpotë tuknukë. Ni pën kyamayë.

Mateo 12:29

¿Wi'ix jap pën tyëkëty tëkoty ja mä'tspë ma ja'ay tsyëënën mëti'ipë mëkën? ënät tëy ko jëyëjp ja mëkja'ay yajkë'ëtsum yajtekytsyumëty, jyëkyejpy jap jyänty myäätsëty.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Mateo 9:33

Ko ja Jesús t'ixkejxy ja ku'oypyë, tääts ja uum kyajpxë'ky. Janty mëj'ixy ja ja'ay t'ijxtë ets y'ënantë: Nijëna'a jëtu'unpë kyayaj'ixynyëm yaa Israel y'itjoty.

1 Crónicas 13:12

E jä'ä xëëw, ojts ja David ja tsë'ëkë tyuktëkëty Wintsën wintum ets y'ënäny: Tyam ni'ikë oyës maa Dios kyaaxë nkayajnëjkxëty.

Mateo 26:53

¿Këtii xynyijawë koos njëkyejpyës ja nTeety nmënu'kxta'akëty ets xytyuknikäxëtyës tëkë'px majk mil naxy ja anklëstëjkë?

Marcos 5:14

Mëti'ipë ja ëtsëm kyëwent'ajtëpën ojts kyäkta'atë ets ojts tnimëtya'aktë jam naaxjotm kajpnjotm mëti'ipë ënety të tyuny të jyätyën. Tääts ja ja'ay tnitso'ontë ets t'ixa'antë tii të tyuny të jyätyë.