Marcos 4:8 - Biblia Dc en Mixe de Quetzaltepec

⁸ Jatu'kpëky ja tsajpmokpajk ojts kyä'äy jë'kxynyaaxjoty; jä'ä ojts oy yony ets tyëëmpejty. Tam mëti'ipë tyëëm yajkën i'px majk ja tu'ukpë ja tsajpmok yajnipyën, tam mëti'ipë tëkë'px tëëmpäjtën ets tam mëti'ipë mëko'pxën.

Biblia Mixe de Quetzaltepec

⁸ Jatu'kpëky ja tsajpmokpajk ojts kyä'äy jë'kxynyaaxjoty; jä'ä ojts oy yony ets tyëëmpejty. Tam mëti'ipë tyëëm yajkën i'px majk ja tu'ukpë ja tsajpmok yajnipyën, tam mëti'ipë tëkë'px tëëmpäjtën ets tam mëti'ipë mëko'pxën.

Marcos 4:8 ပူးပေါင်းရင်းမြစ်များ

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Mateo 13:23

E ja tëëmt mëti'ipë ojts kyä'äyën jë'kxynyaaxjoty, jëtu'un jä'ä ijxtëm ja ja'ay ja Dios ja y'aaw y'ayuk t'amëtoow'ijtëtën ets tmëtoowkukëtë ets tyajwinkëxë'ëktë. Jëtu'un jä'äjëty ijxtëm ja tëëmt mëti'ipë pajk'ajtpën mëko'px, tam mëti'ipë pajk'ajtpën tëkë'px ets mëti'ipë pajk'ajtpën i'px majk.

Mateo 13:8

E jatu'kpëky ja tëëmt ojts kyä'äy jë'kxynyaaxjoty. Ojts ja tyëëm'aty. Tam ja tëëmt mëti'ipë pajk'ajtën mëko'px, tam mëti'ipë pajk'ajtën tëkë'px ets tam mëti'ipë i'px majkën.

Marcos 4:20

E ja tsajpmokpajk mëti'ipë ka'ajën jë'kxynyaaxjoty, jëtu'un jä'ä ijxtëm ja ja'ay mëti'ipë ja Dios ja y'aaw y'ayuk y'amëtoow'ijtëpën ets tkupëktë ets tyajwinkëxë'ëktë ijxtëm ja tsajpmokpajkën tu'ukpë tyëëmpetyën i'px majk, tëkë'px ets mëko'px.

Marcos 4:7

Jatu'kpëky ja tsajpmokpajk ojts kyä'äy äpny akujky. Ko ja äpny ojts yontë ojts nyi'a'ampety ets ja tsajpmok yon tyitsy, kä'äp tyëëmpejty.

Marcos 4:9

Ko ja Jesús myëtyaktaay, tääts y'ënëmaayëtë ja mayjyä'äy: Pën ja tyatsk tyukmëtoopy, wä'än tmëtoowkukë.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.

Lucas 8:8

Jatu'kpëky ojts kyä'äy jë'kxynyaaxjoty, jä'ä ojts yony ets tyëëmpejty, mëko'px ojts pyajk'aty tu'ukpë ja tsajpmok yajnipyën. Ko ja Jesús myëtyaktaay, tääts mëktä'äky y'ënäny: Pën ja tyatsk tyukmëtoopy, wä'än tmëtoowkukë.

Juan 15:5

Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Juan 7:17

Pën jää pën tuna'any mëti'ipë Dios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Efesios 2:21

E ko ja potsy pyety ets oy nyämyajts'ijta'ayë mëët ja Kristë, winpäjt'ëtëtsp ja tëjk ets y'awinpita'any tsajptëjkën wa'atspë mëët ja Wintsën ja myëj'ajtën jyääntyajtën.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.