Marcos 4:38 - Biblia Dc en Mixe de Quetzaltepec

³⁸ Jamts ja Jesús ënety myä'äy kepy nëëwinye'epyëjoty ix'am, tëë ënety kyoy tpëjktä'äky. Ënet ja y'ijxpëjkpëtëjk ojts yuxyë ets y'ënëmaayë: Wintsën. ¿Tii këtii xyjyawë ko nki'inëmë?

Biblia Mixe de Quetzaltepec

³⁸ Jamts ja Jesús ënäty myä'äy kepy nëëwinye'epyëjoty ix'am, tëë ënäty kyoy tpëjktä'äky. Ënät ja y'ijxpëjkpëtëjk ojts yuxyë ets y'ënëmaayë: Wintsën. ¿Tii këtii xyjyawë ko nki'inëmë?

Marcos 4:38 ပူးပေါင်းရင်းမြစ်များ

1 Pedro 5:7

Tukë'ëtëkëtë ja Dios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Mateo 8:25

Ënet ja y'ijxpëjkpëtëjk yujxëtë ets y'ënëmaayëtë: Wintsën, yaj'ëwaatsëpëtsëëmtëkës. Tyamës nëëji'kxnëtë.

Lucas 8:24

Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënet ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.

Isaías 64:12

E mëët ijxtëm tyaapë yam yaj'ixy yajkoyën, ¿këtiijën tii xytyuna'anyë? ¿Amonyën m'ita'anyë etsës jëtu'unyë o'ktëy njatëtyë?

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Juan 4:6

Jam ënety yajpaaty tu'uk ja Jacob ja nyëëtajy. Ënu'kxëp ja Jesús mëk jä'ä ko jeky ënety të ye'ey, paaty nyaaxwe'tsy jam ma ja nëëtajyën. Kujkyxyëëwën ënety.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Lamentaciones 3:8

oyës mëk të amëtoy yë näypyutëkë, ka'ap të tmëtoy yë n'aaw nyo'knës;

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Marcos 4:37

Ënet ja poj janty mëk myiiny ets ja nëë y'ëtëtstäky. Këjxm ja nëë jyänty jyä'ätsë'ëky ets kyujä'tsëy kepy nëëwinye'epyëjoty. Ujtspäjt ja kepy nëëwinye'epyë mëët ja nëë.

Marcos 4:39

Ënet ja Jesús pyëti'ky ets twinkukajpxëy ja poj ets ja mejy t'ënëmaay: Mëtow, ka'ap myu'kxëty. Ënet ja poj myoony ets tu'k'ityë ojts wyi'im.