Marcos 4:28 - Biblia Dc en Mixe de Quetzaltepec

²⁸ jä'ä ko ja aay ujts kë'ëm yë myäyë, jëwyiin ja nyikepy pyëtsimy, jam ja tyëëm tpëjktä'äky ets myëjay.

Biblia Mixe de Quetzaltepec

²⁸ jä'ä ko ja aay ujts kë'ëm yë myäyë, jëwyiin ja nyikepy pyëtsimy, jam ja tyëëm tpëjktä'äky ets myëjay.

Marcos 4:28 ပူးပေါင်းရင်းမြစ်များ

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Mateo 13:26

Ko ja tsajpmok yoony ets tyëëm'ajtë'ky, ënät ojts näjyëtu'un ja ëxëëk ujts yoonpëtsëmy.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Eclesiastés 3:1

Yaa naaxwiiny naaxkëjxy aak myëët'ajtääpy winë nyixëëw nyijëmëjt; nyixëëw nyijëmëjt pyätyp ko tii tyunyë jyätyë:

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Génesis 2:9

Ojts näjyëtu'un tyajyony yë aay kepy oyëtypë tsujëtypë, mëti'ipë yakëpën yë tyëëm ets yajë'kx yajpëkëty. Jam kam'itkujkm ojts tyajyony tu'uk yë kepy mëti'ipë myëët'ajtypyën ja juukyajtën. Ets nän jämyë wiinkpë ja kepy mëti'ipë myëët'ajtypyën ja jot winma'any oypyë ka'oypyë ets tëkokyë jënu'un yajmëët'atyën jootjoty winma'any joty.

Marcos 4:27

Maap ja ja'ay ets pyëti'iky tsojkyë, najxp ja xëëw tsuu, mujxp ets yoonp ja tsajpmokpajk je'eyëm. Ka'ap ja ja'ay tnijawë pën wi'ix myuxy ets yony,

Marcos 4:29

Ko myëjay, ënät ja ja'ay nyëjkxtë ets tyajpëtë'ëka'antë ja pëjktä'äky jä'ä ko tëë ja nyixëëw nyipo'o tpaaty ets pyëtë'ëkëty.