Marcos 4:19 - Biblia Dc en Mixe de Quetzaltepec

¹⁹ je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Dios ja y'aaw y'ayuk ka'ap tyajwinkëxë'ëktë.

Biblia Mixe de Quetzaltepec

¹⁹ je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Tios ja y'aaw y'ayuk ka'ap tyajwinkëxë'ëktë.

Marcos 4:19 ပူးပေါင်းရင်းမြစ်များ

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Mateo 19:23

Ënet ja Jesús ja y'ijxpëjkpëtëjk t'ënëmaay: Tëy miits n'ënëëmëtë ko tsip tu'uk ja kumeenyjyä'äy tyëkëty ma ja tsajpjotmëpë kutujkënën.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Lucas 10:41

E ja Jesús jëtu'un y'ëtsooy: Marta, Marta, yë maypyë tuunk mijts mmëmääpy mmëtäjpy.

Isaías 5:4

¿Wi'ixës jëtää jeexyë n'ëktuny ja ntsatsym kam? ¿Ëkë wi'ixës jëtää ja ntsatsym kam të ntuny? Ëjts jä'äs të nja'ëwxity pa'akëty jeexyë të tyëëm'aty, e aak xunëty të pyëtsimy, ¿wi'ix jëtää ko jyëtu'unëty?

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

2 Pedro 1:8

Ko jëtu'un ya'atë tu'kë'ëyë xyajmëjtëkëtëty, ënät ja mjuukyajtën nëjkx wyinkëxë'ëktë ko ka'ap nyëkoopëty xynyijawëtë ja Wintsën Jesukristë.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Proverbios 23:5

Pën jap yë mjot mwinma'any mja'akyukëp yë'ë ko kumeeny'ajtk nëkoopë yë'ë, yë wit meeny poj'am yë kyixy, jëtu'un tä yë witsn kyääkjëtityën tu'ktsojkyë.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Marcos 4:18

Ja tsajpmokpajk mëti'ipë ka'ajën äpny akujky, jëtu'un jä'ä ijxtëm ja ja'ay mëti'ipë ja Dios y'aaw y'ayuk myëtoowtëpën,

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.