Marcos 4:16 - Biblia Dc en Mixe de Quetzaltepec

¹⁶ Ja tsajpmokpajk mëti'ipë ka'ajën tsaajotm, jëtu'un jä'ä ijxtëm ja ja'ay mëti'ipë y'amëtoow'ijtëpën ja Dios ja y'aaw y'ayuk ets akujk jotkujk tkupëky.

Biblia Mixe de Quetzaltepec

¹⁶ Ja tsajpmokpajk mëti'ipë ka'ajën tsaajotm, jëtu'un jä'ä ijxtëm ja ja'ay mëti'ipë y'amëtoow'ijtëpën ja Tios ja y'aaw y'ayuk ets akujk jotkujk tkupëky.

Marcos 4:16 ပူးပေါင်းရင်းမြစ်များ

Mateo 13:5

Jatu'kpëky ja tëëmt ojts kyä'äy tsaajoty, ma ja naax ka'ap myäjpxyëtyën. Tsojk myujxy, jä'ä ko ka'ap ja naax myäjpxyëty.

Marcos 4:15

Ja tëëmt mëti'ipë ka'ajën tu'ujotm, jëtu'un jä'ä ijxtëm ja ja'ayën mëti'ipë y'amëtoow'ijtëpën ja Dios ja y'aaw y'ayuk. Ko tmëtowtë, ënät ja mëjku'u ënätyë nyiminëtë ets pyëjkxëtë ja Dios ja y'aaw y'ayuk mëti'ipë të tjamëpëktën.

Marcos 4:17

Jëtu'un jä'äjëty ijxtëm ja tsajpmokyonën mëti'ipë ka'ap tyiktsk kyëkëtyën. Ka'ap jeky y'ity jä'äkyëjxm ko ja Dios ja y'aaw y'ayuk tku'ëyo'onpatëtë ëkë yajpajëtijta'aktë ets ënätyë t'ëxmatstë mëti'ipë ënety të tja'amëtoow'itën.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Hechos 26:28

Tääts ja yajkutujkpë Agripa y'ëtsooy: Jëtu'un mmay mtajy ¿ko poj'amës mijts xyajmëpëka'any ma Kristënë?

Hechos 8:13

Näyjyëtu'un ja Simón ojts myëpëjknë ets nyëëpejty ets ja Felipe ojts tmëjwa'kpety ko t'ijxy ja ijxpät ets ja mëj'ajtën mëti'ipë ja Felipe tyuunpyën.