Marcos 4:15 - Biblia Dc en Mixe de Quetzaltepec

¹⁵ Ja tëëmt mëti'ipë ka'ajën tu'ujotm, jëtu'un jä'ä ijxtëm ja ja'ayën mëti'ipë y'amëtoow'ijtëpën ja Dios ja y'aaw y'ayuk. Ko tmëtowtë, ënät ja mëjku'u ënätyë nyiminëtë ets pyëjkxëtë ja Dios ja y'aaw y'ayuk mëti'ipë të tjamëpëktën.

Biblia Mixe de Quetzaltepec

¹⁵ Ja tëëmt mëti'ipë ka'ajën tu'ujotm, jëtu'un jä'ä ijxtëm ja ja'ayën mëti'ipë y'amëtoow'ijtëpën ja Tios ja y'aaw y'ayuk. Ko tmëtowtë, ënät ja mëjku'u ënätyë nyiminëtë ets pyëjkxëtë ja Tios ja y'aaw y'ayuk mëti'ipë të tjamëpëktën.

Marcos 4:15 ပူးပေါင်းရင်းမြစ်များ

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

2 Corintios 2:11

Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

Lucas 8:12

Ja tsajpmokpajk mëti'ipë ojts kyä'äyën tu'ujotm, jëtu'un yë'ë ijxtëm ja ja'ayëty mëti'ipë ja Dios ja y'aaw y'ayuk jyamëtoow'ijtëpën; ënät ja mëjku'u pyëjkxëtë ja Dios ja y'aaw y'ayuk ets ka'ap tmëpëktëty, jëtu'un ka'ap nyitso'oktëty.

Marcos 4:4

Ko ja tsajpmokpajk ojts twëjjëtity, tu'kpëky ojts kyä'äy tu'ujotm. Ënet ja joon myiintë ets tpiiwmujktë.

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Apocalipsis 20:10

Ets ja mëjku'u mëti'ipë ënety të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënety të yajkupipëtën ja mëj jëyujk mëët ja mëti'ipë ja Dios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 20:7

Ko ënety të nyäxy tu'uk mil jëmëjt, ënät ja mëjku'u yajnajtsmatsëty

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.

Mateo 22:5

E ja ja'ayëty mëti'ipë ojts jyayajwowtën ka'ap ja myiintë kääpyë. Tuu'k, ni'ikyë ojts nyijkxy kyamjotm, tu'uk ajuupyë ato'kpë ojts nyijkxy,

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Zacarías 3:1

Ojtsës yë Wintsën wiinkpë kuma'ay xytyuk'ixy, yë'ëjës nwin'ijxyp yë Josué, mëti'ipë nyikopk'ajtypyën yë teetytyëjkëty, mëët tyänë Wintsën tsyajpjotmëtë kukäjpxy. Jam ma Josué pya'ajën, a'oytsyow, tam tyänë tu'uk tsajpjotmëtë kukäjpxy mëti'ipë je'eyë ni'ë'ënëpën.

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Hechos 17:32

Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

Marcos 4:14

Mëti'ipë ja tsajpmokpajk wyijpyën, jëtu'un yë'ë ijxtëm ja ja'ay mëti'ipë ja Dios ja y'aaw y'ayuk kyajpxwä'kxypyën.

Marcos 4:16

Ja tsajpmokpajk mëti'ipë ka'ajën tsaajotm, jëtu'un jä'ä ijxtëm ja ja'ay mëti'ipë y'amëtoow'ijtëpën ja Dios ja y'aaw y'ayuk ets akujk jotkujk tkupëky.