Marcos 4:10 - Biblia Dc en Mixe de Quetzaltepec

¹⁰ Ko ja Jesús ënety jam yajpaaty mëët ja nimajkmäjtskpë ja y'ijxpëjkpëtëjk ets mëët ja wiinkëtypë mëti'ipë ënety ja Jesús myëwinkon'ajtëpën, ënät tyajtëëwtë ja Jesús wi'ix nyiwijyën ja ijxpäjtën.

Biblia Mixe de Quetzaltepec

¹⁰ Ko ja Jesús ënäty jam yajpaaty mëët ja nimajkmäjtskpë ja y'ijxpëjkpëtëjk ets mëët ja wiinkëtypë mëti'ipë ënäty ja Jesús myëwinkon'ajtëpën, ënät tyajtëëwtë ja Jesús wi'ix nyiwijyën ja ijxpäjtën.

Marcos 4:10 ပူးပေါင်းရင်းမြစ်များ

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Mateo 13:3

Tääts yaj'ijxpëjktso'ony, kanaakpëky ja winma'any ojts tkäjpxy aakmëët yë nyi''ijxpäjtën ets y'ënëmaayëtë: Tu'uk ja ja'ay tsyo'ony tsajpmok wëjpë.

Mateo 13:36

Tääts ja Jesús ojts nyäjyëkäjpxyë ma ja mayjyä'äyën ets tyëjkëy tëkoty, jap ja y'ijxpëjkpëtëjk y'ënëmaayëtë ets ja ëxëëk ujts nyi''ijxpät tkajpxtë'kxëty.

Marcos 4:11

Tääts ja Jesús y'ënëmaayëtë: Miitsëty tëë ja Dios mtuknijawëtë mëti'ipë ijty kayajnija'apën; temë mëti'ipë jëkäm yajpatëpën mëët ja ijxpäjtën winë yajtukmëmëtya'aktë.

Marcos 4:34

E xëmë ja Jesús ja ja'ay tyaj'ijxpëky mëët ja ijxpäjtën, ok ja y'ijxpëjkpëtëjk tukmëmëtyä'äky mëti'ipë jyatijpyën.

Marcos 4:9

Ko ja Jesús myëtyaktaay, tääts y'ënëmaayëtë ja mayjyä'äy: Pën ja tyatsk tyukmëtoopy, wä'än tmëtoowkukë.

Marcos 7:17

Ko ja Jesús t'ëxmajtsy ja ja'ay ets tyëjkëy jap tëkoty. Ënet ja y'ijxpëjkpëtëjk ojts yajtëyë tii jëtu'un jyatijäämpy ko jëtu'un y'ënä'äny.