Marcos 3:7 - Biblia Dc en Mixe de Quetzaltepec

⁷ Tääts ja Jesús tsyo'ony mëët ja y'ijxpëjkpëtëjk ets ojts nyijkx mejy ëkë'ëm. Ënet may ja Galilea ja'ay pyanëjkxëtë.

Biblia Mixe de Quetzaltepec

⁷ Tääts ja Jesús tsyo'ony mëët ja y'ijxpëjkpëtëjk ets ojts nyijkx mejy ëkë'ëm. Ënät may ja Galilea ja'ay pyanëjkxëtë.

Marcos 3:7 ပူးပေါင်းရင်းမြစ်များ

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 12:15

Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Mateo 12:16

ets ojts tni'ënä'ämë ets ka'ap yajnikajpx yajnimëtya'akëty.

Mateo 4:25

May ja ja'ay ja Jesús ojts pyatsoonyë, mëti'ipë tsënaaytyëpën jam Galilea y'itjotm, jam ma Decápolis kajpnën, Jerusalén kajpnën ets Judea y'itjotm. Näy tam mëti'ipë tso'ontën nëë'awinmtsow ma Jordán nëëjën.

Marcos 1:39

Jëtu'un ja Jesús t'aye'eytyääy ja kajpn Galilea y'itjotmëpë ets ja Dios ja y'aaw y'ayuk tkajpxwa'kxë jam tsajptëkotm ets t'ixkejxy ja ku'oypyë.

Marcos 1:45

E ja ja'ay ni'ikyë ojts tmëtyaakwä'kxy wi'ix ënety të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Marcos 3:20

Tääts ja Jesús tyëjkëy tëkoty. Ënet ja mayjyä'äy ënätyë myujkpäjtë, ka'apaat ja Jesús y'ëkkaaynyë mëët ja y'ijxpëjkpëtëjk.

Marcos 4:1

Ënet jatëkok ja Jesús yaj'ijxpëjktso'ony mejypyë'am. Jä'ä ko ja ja'ay nëkooyë nyimay'ajnëtë mëti'ipë ojts ye'eymyuktën ma ja Jesús jamën, ënät tyëjkëy kepy nëëwinye'epyëjoty mëti'ipë ënety japën nëëjoty. Ënet nyaaxwe'tsy ets ja mayjyä'äy wyë'ëmtaaytyë jam nëëpë'am.

Lucas 23:5

E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Lucas 6:17

Tääts ja Jesús tsyo'ony jam kopkëjxm mëët nimay ja y'ijxpëjkpëtëjk ets wya'ak'o'oyëy ma tu'uk ja joyën. Tam ënety nimay ja ja'ayëty të myuktë mëti'ipë tso'ontëpën Judea y'itjotm, Jerusalén ets mejy ëkë'ëmpë tsyoontën ma ja Tirë kajpnën ets Sidón kajpnën.

Juan 7:41

Ets ja wiinkëtypë y'ëna'antë: Yë'ë yë Kristë ets jatu'kpëky y'ëna'antë: Ka'ap Kristëty jä'ä ko ka'ap jam tsyoona'any Galilea y'itjotm.

Juan 7:52

Ets ja myëku'uktëjk jëtu'un y'ëtsoowtë: ¿Näy mkaliletë ja'ay mijtsë? Ixpëk yë Dios yë y'aaw y'ayuk, tääts xy'ixëty ko ka'ap pën Dios käjpxynyajxpë tsyoona'any jam Galilea.

Hechos 17:10

Ko kyootsëy, ënätyë ja mëpëjkpëtëjk tnajtskäjxëtë ja Pablo ets ja Silas jam Berea. Ko jam jyajtë, ënät ojts nyëjkxtë ma ja jutiis ja'ayëty ja tsyajptëjkëtyën.

Hechos 17:14

Ënet ja mëpëjkpëtëjk ënätyë kyäjxtso'onëtë ja Pablo, ets nyëjkxëty maatsow ja mejypya'ajën yë Silas ets Timoteo ojts wyë'ëmtë jam Berea.

Josue 20:7

Ënet ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Josue 21:32

E ma ja Neftalí ja nyaaxjotën tëkëëk ojts jam ja kajpn yajmo'otë aakmëët yë nyinaax nyikam ma tjëkyepyën ja jëyujk tsajpkaa tyänëtëty: tu'uk txëëwaty Quedes mëti'ipë jamën Galilea ets tsoktakn kajpn wya'anëty, tääts ja Hamot-dor ets ja Cartán näjyëtu'un;