Marcos 3:33 - Biblia Dc en Mixe de Quetzaltepec

³³ Tääts ja Jesús y'ëtsooy: ¿Pën ntaak'ajtypës ets pën nmëkä'äx'ajtypës?

Biblia Mixe de Quetzaltepec

³³ Tääts ja Jesús y'ëtsooy: ¿Pën ntaak'ajtypës ets pën nmëkä'äx'ajtypës?

Marcos 3:33 ပူးပေါင်းရင်းမြစ်များ

Marcos 6:3

¿Këtii yë'ëjëty ja tsäjtspë, Maria yë y'u'unkë, Santiagë myëkä'äxë, mëët ja José ets ja Judas ets ja Simón? ¿Këtii yaajëty yë myëkä'äxtëjk to'oxy ëna'kpë tsyëënëtë? Ka'ap tmëpëjktë ja Jesús.

Marcos 3:21

Ko ja Jesús ja myëku'uktëjk tnija'awëtyë, ënät nyimiinëtë ets yajtsoona'anëtë jä'ä ko jëtu'un ënety myäytyë tyajtë ko tëë lyokëjaty.

Deuteronomio 33:9

Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënety jä'ä xëmë tmaytyë tajtë ja m'aaw m'ayuk, ets ko ënety yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Juan 2:4

Ënet ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

Lucas 2:49

Tääts ja Jesús y'ëtsoowëtë: ¿Tii koos xy'ixta'atë? ¿këtii xynyijawëtë ko kopkpëky etsës yaa nyajpaatëty maajës ja nteety ja tyëjkënë?

Marcos 3:32

ënät ja Jesús ja ja'ay ojts tyuk'ëwa'anxëty mëti'ipëty ënety jap winkon mëët y'u'unyën: Tap ja mtaak tëjk ëkë'p m'owëxityë mëët ja mmëkä'äxtëjk. Mijtsëk mmëkajpxanëtëp.

Marcos 3:34

Ënet ja Jesús twin'ijxë'ky ja ja'ay mëti'ipë winkon win'u'unyääyëtëpën ets t'ënëmaay: Ya'atë ja'ayëty ntaak'ajtypyës ets nmëkä'äx'ajtypyës.