Marcos 3:27 - Biblia Dc en Mixe de Quetzaltepec

²⁷ Ni pën kyatëkëty ma ja ja'ay ja tyëjkën ets tmäätsa'anëty tii jap myëët'ajtyp tyëkoty pën ka'ap jëyëjp tkë'ëxotsy tekyxyotsy.

Biblia Mixe de Quetzaltepec

²⁷ Ni pën kyatëkëty ma ja ja'ay ja tyëjkën ets tmäätsa'anëty tii jap myëët'ajtyp tyëkoty pën ka'ap jëyëjp tkë'ëxotsy tekyxyotsy.

Marcos 3:27 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Mateo 12:29

¿Wi'ix jap pën tyëkëty tëkoty ja mä'tspë ma ja'ay tsyëënën mëti'ipë mëkën? ënät tëy ko jëyëjp ja mëkja'ay yajkë'ëtsum yajtekytsyumëty, jyëkyejpy jap jyänty myäätsëty.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Colosenses 2:15

Kristë mëët yë Dios ojts tpëjkëtë ja kuttujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

1 Juan 4:4

U'unk maayëty, Dios miits m'u'unk'ajtëtëp. Tëë ja win'ë'ëmpëtëjk xymyëmëta'aktë, jä'ä ko wäänëni'ik ja mëk'ajtën tmëëtëty mëti'ipë mëët m'itën këtiinëm ja mëti'ipë naaxwiinyëtën.