Marcos 3:24 - Biblia Dc en Mixe de Quetzaltepec

²⁴ Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,

Biblia Mixe de Quetzaltepec

²⁴ Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,

Marcos 3:24 ပူးပေါင်းရင်းမြစ်များ

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 20:6

Tä ja David t'ënëmaay ja Abisai: Yë Sebá wä'än ënät ni'ik ja jotmay xytyuk'ijxmëty këtiinëm jyëtu'unëty yë Absalón. Paaty yam mijts ntuknipëky xytyu'uwinwowëty yë ntsiptuunpëtëjkës ets wiinkuwa'akë tääpë Sebá, këtiipë muum ja kajpn mëti'ipë ta'tspëkyën t'ëkjä'äpëjknëty ets xy'ëkukäkënëty.

Ezequiel 37:22

Mëët yë'ëjëty nyajkojäämpyës tu'uk yë naax kajpn ma ya'atë it naaxwiinyëtën, ma Israel kopkën ets nëjkxëp tmëët'atë tu'uk yë kyutujktakn. Ka'ap nëjkx y'ëknäwya'kxënëtë mäjtskpëky ets ka'ap nëjkx mäjtsk yë yajkutujkpë t'ëkmëët'ajnëtë.

Zacarías 11:14

Ënet ja mëmäjtskpë ja tajk ojts ntuktëjës, mëti'ipë xyëëwajtypyën Tu'ukmukyëajtën, jëtu'un ojts y'atëkoy ja näyjiiky'at näymyëku'uk'atë ma ja Israel ja'ayëtyën mëët ja Judá ja'ayëtyën.

Mateo 12:25

Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Marcos 3:23

Tääts ja Jesús tmëkajpxmujky ja ja'ay ets tkajpxwatsy mëët tu'uk ja ijxpäjtën ets y'ënäny: ¿Wi'ix jëtää tu'uk ja mëjku'u t'ëk'ixkäxëty ja myëmëjku'u?

Marcos 3:25

näjyëtu'un jyäty ko ja'ay tu'kjëën tu'ktëjk tsyiptuny, ma'tp ja tsëna'ayën.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.