Marcos 3:18 - Biblia Dc en Mixe de Quetzaltepec

¹⁸ Andrés, Felipe, Bartolomé, Mateo, Tomás, Santiagë, mëti'ipë Alfeo y'u'unk'ajtypyën, Tadeo, Simón mëti'ipë ja zelotë winma'any tyuk'ijtëpën,

Biblia Mixe de Quetzaltepec

¹⁸ Andrés, Felipe, Bartolomé, Mateo, Tomás, Santiagë, mëti'ipë Alfeo y'u'unk'ajtypyën, Tadeo, Simón mëti'ipë ja zelotë winma'any tyuk'ijtëpën,

Marcos 3:18 ပူးပေါင်းရင်းမြစ်များ

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Marcos 2:14

Najxp ënety ja Jesús ko t'ijxpaty ja Leví, Alfeo y'u'unk. Tam ënety y'u'unyë ma yajkukëpetyën. Tääts ja Jesús t'ënëmaay ja Leví: Patso'onkës. Ënet ja Leví ënätyë wya'kujkëy ets ja Jesús tpatso'ony.

Santiago 1:1

Santiagë, Dios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Dios ënety të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënety të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.

Gálatas 1:19

Ka'ap ojts pën wiinkpë oy ayukkajpxwa'kxpë n'ixyës, yi'iyë ja Santiagë, ja Wintsën ja myëkä'äx.

1 Corintios 15:7

Ok nyänyikëxë'kë ma ja Santiagën ets ma ni'ëmukë ja ijxpëjkpëtëjkëtyën.

1 Corintios 9:5

ets nmëët'ajtmëty tu'uk ja to'oxytyëjk mëti'ipë mëpëjkpën, ijxtëm ja wiinkëtypë ja ijxpëjkpëtëjkëtyën ets ja Wintsën Jesús ja myëkä'äxtëjk ets ja Pedro.

Hechos 21:18

Ënätës ojts komjëpom mëët nnëjxtë ja Pablo etsës nku'ixëja'antë ja Santiagë, nän tam ënety ja mëjja'aytyëjkëty ni'ëmukë yajpaatë.

Hechos 15:13

Ko ja Pablo ets ja Bernabé kyajpxtaaytyë, tää ja Santiagë y'ënäny: Mëku'uktëjkëty, mëtowtë.

Juan 21:2

Tam ënety ja Simón Pedro mëët ja Tomás mëti'ipë yajtijpën xeeny u'unk ets ja Natanael mëti'ipë kukajpn'ajtpën Caná, Galilea y'itjotm. Näy tam ja Zebedeo myaank ets nimäjtskpë ja Jesús ja y'ijxpëjkpë.

Juan 14:22

Ënet ja Judas, ka'ap jyä'äjëty ja Iscariote, tyajtëëy: Wintsën, ¿tii ko mnanyikëxë'ëka'anyë ma ëëtsëtyën ets ka'ap ma ja ja'ayëtyën ka'apë myëpëktën?

Juan 11:16

Ënet ja Tomás, tu'uk ja Jesús ja y'ijxpëjkpë mëti'ipë yajtijpën Xeeny U'unk, yë'ë ojts t'ënëëmë ja myë'ijxpëjkpëtëjk: Ja'amtë ëëtsajtëm näjyëtu'un ets yë'ë mëët n'o'kmëty.

Juan 1:40

Tu'uk ja nimäjtskpë mëti'ipë ënety të tmëtoow'itën ja Juan ets të tpatsoontë ja Jesús, Andrés xyëëwajtyp, Simón Pedro myëkä'äx.

Marcos 6:3

¿Këtii yë'ëjëty ja tsäjtspë, Maria yë y'u'unkë, Santiagë myëkä'äxë, mëët ja José ets ja Judas ets ja Simón? ¿Këtii yaajëty yë myëkä'äxtëjk to'oxy ëna'kpë tsyëënëtë? Ka'ap tmëpëjktë ja Jesús.

Mateo 13:55

¿Këtii yë'ëjëty ja tsäjtspë y'u'unkë ets taak'aty yë Maria? ¿Këtii yë'ëjëty yë Santiago myëkä'äx mëët ja José, Simón ets ja Judas?

Marcos 3:17

Santiagë mëët ja y'uty Juan, Zebedeo y'u'unk y'ëna'k, jä'ä yajxëëmooytyë Boanerges, jä'ä nyiwijy ënääw u'unk,

Marcos 3:19

ets Judas Iscariote, mëti'ipë ja Jesús kyë'ëyajkën.