Marcos 3:10 - Biblia Dc en Mixe de Quetzaltepec

¹⁰ Jä'ä ko tëë ënety kanaak tyajtso'oky ja ja'ay; jëtu'unts ni'ëmukë ja pa'amja'ay myäymyiintë, mëpaatëp ja Jesús tyajkëtaawnëtë ko tona'antë.

Biblia Mixe de Quetzaltepec

¹⁰ Jä'ä ko tëë ënäty kanaak tyajtso'oky ja ja'ay; jëtu'unts ni'ëmukë ja pa'amja'ay myäymyiintë, mëpaatëp ja Jesús tyajkëtaawnëtë ko tona'antë.

Marcos 3:10 ပူးပေါင်းရင်းမြစ်များ

Génesis 12:17

Näyjyëtu'un mëët Sarai kyëjxm yë Wintsën mëk ojts yë mëj'ënä'ämpë tëytyuny mëët ja jyiiky myëku'uk mëti'ipë jam yajpatëpën ma jyëën tyëjkën.

Mateo 12:15

Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 14:36

ets tmëpëjktsoowtë ko oy je'eyë tyukpaatëtëty ja wyit jëjp; ets tu'kë'ëyë mëti'ipë patëtëp ja wit, ojts tsyokta'atë.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Marcos 6:56

Ko ja Jesús ijty nyijkxy oymyaajëty, kajpntum ëkë kamjotm, ënätyë ja ja'ay tpëjkta'aktë ja pa'amja'ay jam muum tu'ujotm. Jamts tmënu'kxta'aktë ja Jesús ets ja wyit pa'a tyo'onxëtëty oy jënu'unën ja pa'amja'aytyëjk; ets tu'kë'ëyë mëti'ipë tyoontëpën ja Jesús ja wyit, tsoktëp akëtaktëp poj'am.

Marcos 8:22

Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Lucas 5:3

Ënet ja Jesús tuktëjkëy ja kepy nëëwinye'epyë mëti'ipë ja Simón jyä'ä'ajtypyën ets t'ënëmaay ets wäänë tyajnëëkuye'eyëty ma nëëkomën. Tääts nyaaxwe'tsy jap ets tyëjkëy yaj'ijxpëjkpë.

Lucas 6:19

Paaty ja ja'ayëty aak tyonantëp ja Jesús, jä'ä ko yajtsokpy ja pa'amja'ay mëët ja myëk'ajtën.

Lucas 7:2

Jamts ënety tu'uk ja tsiptuunpë wintsën mëti'ipë ja tyuunpë mëk tsyojkpyën, pëjkëp ets ookanëp ënätynyë.

Lucas 7:21

Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky,

Hechos 5:15

Ets ja pa'amja'ay jam may tpëjktaktë tu'u'am, tam mëti'ipë myaapäjnkëjxm ko'knaaytyëpën ets tam mëti'ipë to'okykyëjxmën; yë'ë y'ëwxijtëp ko ja Pedro nyaxëty ets ja ja'ay tsyo'oktëty, oy je'eyë ja y'äpk pyaatëtëty.

Hebreos 12:6

Jä'ä ko ja Wintsën, yë'ë wyijtswinpijtyp mëti'ipë tsyojkpyën ets tsyäätsytyuunpy ni'ëmukë mëti'ipë y'ëxajëpën, jä'ä ko t'u'unk'aty.