Marcos 2:26 - Biblia Dc en Mixe de Quetzaltepec

²⁶ Tsajptëkoty ojts ja tyëkëtë, ma ja Abiatar ënety tyeetywyintsën'atyën, ënät tkaaytyë ja tsajpkääky kënu'kxypyë mëti'ipë ënety ka'ap kyutukyëtyën pën tkayëty, teety yi'iyë kyääytyëp, ojts näjyëtu'un tmo'oy ja myëku'uktëjk.

Biblia Mixe de Quetzaltepec

²⁶ Tsajptëkoty ojts ja tyëkëtë, ma ja Abiatar ënäty tyeetywyintsën'atyën, ënät tkaaytyë ja tsajpkääky kënu'kxypyë mëti'ipë ënäty ka'ap kyutukyëtyën pën tkayëty, teety yi'iyë kyääytyëp, ojts näjyëtu'un tmo'oy ja myëku'uktëjk.

Marcos 2:26 ပူးပေါင်းရင်းမြစ်များ

2 Samuel 8:17

Yë Sadoc, yë myaank yë Ahitub ets Ahimélec, yë myaank yë Abiatar yë'ë ojts y'itë teety; yë Seraías yë'ë ijty winë kyujääpy

1 Crónicas 24:6

Ja Semaías, mëti'ipë nokyjyääpyën ets tu'uk yë Leví ja'ay, ojts tyajnokpyäjta'ay ja ja'ayxyëëw, ma ënety jam yajpaatën ja yajkutujkpë, ja wintsëntëjkëty, ja teetyëty mëti'ipë txëëwajtëpën Sadoc ets Ahimélec, Abiatar myaank, ets ja myëku'uktëjkëty ja ja'ayëty mëti'ipë nyikopk'ajtëpën ja jyiiky myëku'ukëty, y'u'unk y'ëna'këty ets ja teetytyëjkëty mëti'ipë Leví ja'ayëtyën. Tii xëëw ja tuunk tyuka'aja'anëtën, aak ijxpëtsëmy ma ja nija'awënën ojts tpëktën. Nimäjtskpëky ja Eleazar ja jyä'äy ojts tyuka'ajëtë, e ja Itamar tu'kpëkyjyäty.

1 Samuel 21:1

Yë David jam ojts nyijkxy Nob, yë'ë jam nyinëjkx ja teety mëti'ipë xyëëwajtypyën Ahimélec. E yë'ë mëj këjää tkukajpxëy ko nyipëtsëëmë ets y'ënëmaayë: ¿Wi'ix ko ënät tyam miny janty atu'kpajk ets ka'ap pën mjämyëët'atyë?

1 Reyes 4:4

Benaías, yë myaank yë Joiadá, yë'ë ojts niwintsën'aty yë tsiptuunpëtëjk; yë Sadoc ets Abiatar, yë'ë ojts y'itë teety;

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kuttujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

1 Reyes 1:7

Ojts mëët yë Joab, yë myaank yë Sarvia tkajpxmuky mëti'ipë ënety wyinma'any'äjtypyën ets näjyëtu'un ja teety Abiatar, mëti'ipë ojts pyutëkëtyën.

2 Samuel 20:25

Yë Sevá yë'ë ijty kyujaaytyääpy winë, e yë Sadoc ets Abiatar yë'ë ojts tyeety'atë.

2 Samuel 15:35

jam tam yajpaatë ja teetytyëjkëty Sadoc ets ja Abiatar. Paaty xëmë xytyukmëmëtya'akëty tëkokyë tii mëtoopyën ma akujktëjkën.

2 Samuel 15:29

Yë Sadoc ets Abiatar ojts jatëkok tmëwinpitë ja Wintsën ja kyaaxë jam Jerusalén, jam ojts wyë'ëmtë.

2 Samuel 15:24

Tam näjyëtu'un nyijkxy ja teety mëti'ipë xyëëwajtypyën Sadoc mëët nitëkokyë ja Leví ja'ayëty, yë'ë yajnëjkxtëp ja Wintsën ja kyaaxë, jam ojts tkëëypyo'kxtë ma ja Abiatar ja tyëjkën koonëm ja ja'ayëty tsyo'ontaaytyë.

1 Samuel 23:9

Ko ja David tnija'awëy ko ja Saúl nyimina'anyë ets myatsa'anyë, ënät t'ënëmaay ja teety Abiatar ets tmëminëty ja efod, tääts t'ixëty wi'ix ja Wintsën y'ënä'äny.

1 Samuel 23:6

E ja Abiatar, yë myaank yë Ahimélec tëë ënety kye'eky, jam ënety të nyijkxy Keilá, tääts mëët nyäpyaata'anyë ja David, ojts tmënëjkx ja efod.

Mateo 12:4

Dios tyëkoty ojts tyëkë ets tkaaytyë ja tsajpkääky mëti'ipë ënety ja Dios të yajtuknipëjktaakën, ka'apë kyutukyëtyën David tkayëty ets ni myëku'uktëjk; yi'iyë ja teetytyëjkëty patëtëp tkaytyëty.

Marcos 2:25

Tääts ja Jesús y'ëtsooy: ¿Këtii xykyajpxtënëm tii ja David tyuunën mëët ja myëku'uktëjk ko ja yuu pyatëtë, ko ënety nitii tkamëët'atë?