Marcos 2:24 - Biblia Dc en Mixe de Quetzaltepec

²⁴ Ko ja fariseë ja'ayëty t'ijxtë ko jëtu'un y'ëtë'ëtstë, tää t'ënëmaaytyë ja Jesús: Mëtow, ¿tii ko yë m'ijxpëjkpëtëjk tuntë po'kxënxëëwjoty mëti'ipë ka'ap kyutukyëtyën?

Biblia Mixe de Quetzaltepec

²⁴ Ko ja fariseë ja'ayëty t'ijxtë ko jëtu'un y'ëtë'ëtstë, tää t'ënëmaaytyë ja Jesús: Mëtow, ¿tii ko yë m'ijxpëjkpëtëjk tuntë po'kxënxëëwjoty mëti'ipë ka'ap kyutukyëtyën?

Marcos 2:24 ပူးပေါင်းရင်းမြစ်များ

Éxodo 20:10

E ja mëwëxtujkxëëwpë po'kxënxëëw jäänë, mëti'ipë ja mWintsën Dios yajtukwintsë'ëkëpën. Nitituunk mëpaat xykyatuny jä'ä xëëw, näjyëtu'un yë mmaank, yë mnëëx, yë mtuunpë ye'etyëjkpë, to'oxytyëjkpë; yë mjëyujk ets jaaypyaat jaaypyo'kxy ka'ap mëpaat jää nitituunk tuntë.

Éxodo 31:15

Tëtujkxëëw ja tu'unën ye'eyën y'itëty e ja mëwëxtujkxëëwpë po'kxënxëëw jäänë, mëti'ipë ja Dios mëpaat yajtukwintsë'ëkën. Pën jää tuunp ye'epy ma pyo'kxënxëëwatyën, kopkpëky ko y'ookëty.

Isaías 56:2

Jotkujk ja'ay yajpaaty mëti'ipë pyanëjkxypyën ya'atë tëyajtën ets mëti'ipë kyuuytyuunpyën tëy tëtä'äky, mëti'ipë po'kxpën po'kxënxëëwëtë ets ka'ap jää tii ëxëëk tuny tkäjpxy.

Isaías 56:4

Jä'ä ko yë Wintsën jëtu'un y'ënä'äny: Pën yë ja'ayëty mëti'ipë ixtsyaapëkyëtyën pyo'kxtëp yë po'kxënxëëw ets tyuuntëp jëtu'un winë ijxtëmës ntsokyën ets pën xëmë tja'amyätstë ja nkäjpxytyu'unënës,

Isaías 56:6

Ja jaaypyaat jaaypyo'kxyëty mëti'ipë näkyë'ëyajkëtëpën maas ëjtsën ets xymyëtuuntëpës ets xytsyojktëpës; ënantëp koos xymyëtuna'antë, ka'ap wyi'ixëty, nëkoo ko tpo'kxtë yë npo'kxënxëëwës ets twinkutsë'ëkëtë ets mëk yajpaatë ma ja nkäjpxytyu'unënës,

Isaías 58:13

Mwinkutsë'ëkëp ja po'kxënxëëw; këtii jää mtookëty myakëty ma tääpë xëëwën wa'atspë. Xoontakën xëëw xyajnaxëty, kënu'kxypyë mëti'ipë Wintsën xyëëwajtypyën ets ma pyäätyën yajmëjjawëty. Mmëjja'ap ënety ko ka'ap jää mtookëty myakëty, ets ko ka'ap jää yë'ë xy'ijxpaatëty wi'ix ja meeny xyaj u'unk'atëty ets wi'ix mnäyajkumeenytya'akëtëty.

Mateo 12:2

Ko ja fariseë ja'ayëty jëtu'un t'ijxtë, ënät t'ënëmaaytyë ja Jesús: Ix yë m'ijxpëjkpëtëjk y'ëtë'ëtstë, yë'ë tyuuntëp ka'apë mëpaat säpëtë xëëw yajtunyën.

Marcos 2:16

Ja fariseë ja'ayëty, mëti'ipë tuk'ijxpëjktëpën ja jutiis ja y'ënä'ämënëty, ko t'ijxtë ko ja Jesús ënety tmëëtkay ja yajkukëpäjtpëtëjk ets mëti'ipë yajtijtëpën pokyjyä'äy, ënät tyajtëëwtë ja Jesús y'ijxpëjkpëtëjk: ¿Tii ko yë mwintsën tmëëtkay yë yajkukëpäjtpëtëjk ets pokyjä'äytyëjk?

Marcos 2:25

Tääts ja Jesús y'ëtsooy: ¿Këtii xykyajpxtënëm tii ja David tyuunën mëët ja myëku'uktëjk ko ja yuu pyatëtë, ko ënety nitii tkamëët'atë?

Marcos 2:7

¿Tii ko ya'atë ja'ay jëtu'un y'ënaanpë? Dios yë myëkajpxtëkoopy, Dios tu'ukyë pokymyä'kxp.

Hebreos 12:3

Mëmay mëtajtë mëti'ipë yë Jesús të tnajtstunën, mëti'ipë kyu'ëyo'owën ja pokyjyä'äy ja nyëë pyoky; paaty miitsëty këtii m'ënu'kxëtë ets këtii mmontëty mtuktëty.