Marcos 2:22 - Biblia Dc en Mixe de Quetzaltepec

²² Näyjyëtu'un ka'ap ja jemy tsatsym nyëë jap pën t'atämë ma ja pak po'ojën, jä'ä ko yë jempyë ja tsatsym nyëë nyajtskë'tsëp ja pak po'o ets wyintëkoy ja tsatsym nyëë mëët ja pak po'o. Paaty ja tsatsym nyëë jempyë jap yaj'atämë ma ja po'o jempyën.

Biblia Mixe de Quetzaltepec

²² Näyjyëtu'un ka'ap ja jemy tsatsym nyëë jap pën t'atämë ma ja pak po'ojën, jä'ä ko yë jempyë ja tsatsym nyëë nyajtskë'tsëp ja pak po'o ets wyintëkoy ja tsatsym nyëë mëët ja pak po'o. Paaty ja tsatsym nyëë jempyë jap yaj'atämë ma ja po'o jempyën.

Marcos 2:22 ပူးပေါင်းရင်းမြစ်များ

Job 32:19

mëpaatëpës npëjwa'kxnë, jëtu'un tä yë po'o akën ma y'ityën yë tsatym nyëë jemypyë yajpëkyën.

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

Salmos 119:83

Oyës tëë nmëjja'ayënë, ka'apës nitii n'ëktuunë ets ja'atyëkoyës n'ijnë, ëjts ka'apës nja'atyëkoy ja m'ënä'ämën mtëyajtën.

Mateo 9:17

Ets nän ka'ap ja tsatsym nyëë pën t'atämë tuk po'ojoty, jä'ä ko yë tuk po'o kë'tsp yë'ë, tääts tyëkoy ja po'o ets ja tsatsym nyëë. Paaty yë jempyë tsatsym nyëë jap yaj'atämë ma jempyë po'ojën ets jëtu'un mäjtskpëky oy y'ity.

Marcos 2:21

Ka'ap pën ja pakwit t'akëyë mëët ja jemwyit; jä'ä ko yë jemwyit nyëmuky ets jyaak najtskëëtsë ja pakwit.

Marcos 2:23

Po'kxënxëëw ënety, ko ja Jesús ojts nyäxy tsajpmok yon kamjotm mëët ja y'ijxpëjkpëtëjk. Tääts ja y'ijxpëjkpëtëjk ojts twijxë'ëktë ja tsajpmok yon ko jam nyajxtë.

Josue 9:13

Näyjyëtu'un ya'atë po'oxuy koos nyaj'ujtstë mëët yë tsatym nyëë aak oynyëm ënety, e tyam tëë kyë'tsnë. E näjyëtu'un ëëts ja nwit ntujkxyëty, tëë kyë'tstaaynyë jä'äkyëjxm ko ja në'ë tu'u kyëjääjëty ets jekyëpës jam ntso'onëtë.

Josue 9:4

Ënet tuknipëjktakëtyë ets twin'ëëna'antë. Tää tyu'utëjkëtyë ma kyëruktsëtyën. Yë'ë tyukniwë'ëntë tuk xa'k, näjyëtu'un po'o ak a'ukën këëtspë ets axuyëpë.