Marcos 2:20 - Biblia Dc en Mixe de Quetzaltepec

²⁰ E pyatäämpy ja xëë po'o ko ja ye'etyëjk mëti'ipë pëjkpën yajpëjkëtëty, jäänëmts tëy y'ayuu'atëty.

Biblia Mixe de Quetzaltepec

²⁰ E pyatäämpy ja xëë po'o ko ja ye'etyëjk mëti'ipë pëjkpën yajpëjkëtëty, jäänëmts tëy y'ayuu'atëty.

Marcos 2:20 ပူးပေါင်းရင်းမြစ်များ

Salmos 45:11

jä'ä ko yë yajkutujkpë y'oy'ijxyp ko mijts m'oyëty mtsujëty; yë'ë mwintsën'ajtyp ets yë'ë patëp xymyëmëtowëty.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënety pyiky y'uuky, ma ënety ja xyoontakën tpaatyën.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Dios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Mateo 26:31

Jamts ja Jesús ojts y'ënë'ëmxëtë: Xy'ëxmatsantëpës miitsëty ni'ëmukë ya'atë tsu'um, jä'ä ko jëtu'un ja Dios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny jëtu'unyë kyääkwa'kxta'aja'antë.

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Marcos 2:19

Tääts ja Jesús y'ëtsoowëtë: ¿Mëpaat jëtää ja ja'ay y'ayuu'atë tëëpë yajwow yajwitstën ma pëjkën ukën y'ityën ets pën jam ja ye'etyëjk mëti'ipë pëjkpën? Pën jam ja ye'etyëjk yajpaaty mëti'ipë pëjkpën ka'ap tjëkyepy pën y'ayuu'atëty

Marcos 2:21

Ka'ap pën ja pakwit t'akëyë mëët ja jemwyit; jä'ä ko yë jemwyit nyëmuky ets jyaak najtskëëtsë ja pakwit.

Lucas 17:22

Ets t'ënëmaay ja y'ijxpëjkpëtëjk: Pyaatëp ja xëëw jëmëjt ets xyjya'ixa'antëty ja naaxwiinyëtë ja'ay ja y'U'unk, ets ka'ap nëjkx xy'ixtë.

Lucas 5:35

E pyatäämpy ja xëëw po'o ma ja ye'etyëjk yajmënëjkxa'anyën, ko ënety ja xëëw po'o tpaaty jää nëjkxy y'ayuu'atë.

Juan 12:8

Yë ëyoopëja'ay xëmë yaa mëët m'ita'antë, e ëjts ka'apës.

Juan 13:33

Miits u'unk ëna'këty, ka'ap miits mëët jeky n'ëk'itanëtë. Xy'ixta'atëpës miitsëty, näjyëtu'un miits nëëmëtë ijxtëmës ja jutiis ja'ayëty n'ënëmaaytyën: Pën maas nnëjkxy, ka'ap tjëkyepy jam mnëjkxtëty.

Juan 16:28

Jamës të ntsoony maajës ja nTeetyën ëts yaa naaxwiiny të nminyës, e tyamtsës n'ëxmatsy ya'atë naaxwiinyëtë etsës nnëjkxy jatëkok maajës ja nTeetyën.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 17:11

Ka'apës n'ëkyajpaatanë naaxwiiny, je'eyëp ko yë'ëjëty naaxwiiny yë wyë'ëmtë; ëjts jamës nnëjkxy ma mijtsën ets tu'ukyë nyajpatmëty. Dios Teety Wa'atspë, ijx'it këwent'at mëët ja mxëëw ja myëk'ajtën, ja mxëëw mëti'ipës të xymye'eyën ets tu'ukmukyë yajpaatëty, ijxtëm ëëtsajtëmën.

Juan 17:13

Tyamtsës nnëjkxy ma mijtsën; e paatyës jëtu'un n'ëna'any jä'ä ko jaaktyaanëmës njaakyajpaaty naaxwiiny, ets ëmuumtu'ukjot xyoonta'aktëty ijxtëmës ëjts nxoontä'äkyën.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

2 Corintios 11:2

Ni'ikës miits ntsoktë mëët ja Dios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

2 Corintios 6:5

ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.

Apocalipsis 19:7

Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Dios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.

Apocalipsis 21:9

Ënet nitu'uk ja niwëxtujkpë ja tsajpjotmëtë kukäjpxy myiiny, mëti'ipë myëët'ajtypyën ja wëxtujkpë ja a'ukën ujtspë yajpaatën mëët ja wëxtujkpë ja ëyo'on ets xynyëmaayës: Min ets ntuk'ixëty ja mëpëjkpëtëjk mëti'ipë pyëkantëpën ja Kupixyny U'unk.