Marcos 2:2 - Biblia Dc en Mixe de Quetzaltepec

² Tääts ja ja'ay may myujktë, a'ujtsnajx ja tëjk, ni ma kya'ëwaatsëty ma tëjk'aawën. Ja Jesús jä'ä nyikäjpxyp nyimëtyäkpy ja Dios ja y'aaw y'ayuk,

Biblia Mixe de Quetzaltepec

² Tääts ja ja'ay may myujktë, a'ujtsnajx ja tëjk, ni ma kya'ëwaatsëty ma tëjk'aawën. Ja Jesús jä'ä nyikäjpxyp nyimëtyäkpy ja Tios ja y'aaw y'ayuk,

Marcos 2:2 ပူးပေါင်းရင်းမြစ်များ

Salmos 40:9

Tëës nikäjpxy ma mnaax mkajpnën tëkokyë mëti'ipë oy yajtuunp yajkajpxpën. Mijts Wintsën, wa'ats xynyijawë ko ka'apës amonyë n'ity.

Mateo 5:2

Ënet yaj'ijxpëjktso'ony ets y'ënäny:

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,

Marcos 1:33

Ni'ëmukë ja kajpn myiintë tëjk'ëkë'ëm ma ja Jesús ënätyën.

Marcos 1:37

Ko tpatë ets t'ënëmaaytyë: Nëkooyë myaj'ixtaaynyë.

Marcos 1:45

E ja ja'ay ni'ikyë ojts tmëtyaakwä'kxy wi'ix ënety të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Marcos 2:1

Komjeky, ënät ja Jesús tyëjkëy jatëkok Capernaúm ets ja ja'ay tnija'awëtyë ko ënety të jyä'ty jam tëjkwintum.

Marcos 2:13

Tso'on ja Jesús jatëkok ets ojts nyijkx nëë'akëyë pa'ajën, mayjyä'äy ojts nyiminyë ets tyaj'ijxpëjky.

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

Lucas 12:1

May ja ja'ay nyëëpäjtë, nëkooyë nyätyij nyäkyojtënëtë xim yam. Tääts ja Jesús ja y'ijxpëjkpëtëjk tmëëtmëtyaktso'ony jëwyiin: Näkyëwent'atëtë, ijxkëm ko mtukpaatëtë ja fariseë ja'ay ja wyinma'anyëty, yë'ëjës ntijpy ko je'eyë wyin'ëëntë.

Lucas 5:17

Tu'kxëëw tu'ktiempë jyäjty kyëpejty, jam ënety ja Jesús yaj'ixpëky, tëë ënety jam nyaaxwäätstë yë fariseë ja'ayëty ets tsajptëkotyëtë yaj'ijxpëjkpëty. Tam yajpaatë ja'ayëty mëti'ipë tso'ontëpën Galilea, Judea ets Jerusalén. Ja Jesús ni'ikyë ja Wintsën ja myëj'ajtën tyaj'ixyë ko ja pa'amja'ay tyajtso'oky.

Lucas 8:1

Ko jëtu'un y'ëkjajty y'ëkkëpejty, ënät ja Jesús jyëtijty kajpn kajpn mëët ja y'ijxpëjkpëtëjk nimajkmäjtskpë ets ojts tkajpxwä'kxy ja oy aaw oy ayuk mëti'ipë nyikäjpxypën ja Dios ja kyutujkën.

Lucas 8:11

Yë ya'atë ijxpäjtën jä'ä nyiwijy: Jëtu'un yë tëëmt ijxtëm ja Dios ja y'aaw y'ayukën.

Hechos 11:19

Ko ja Esteban tyaj'o'ktë, tääts ja mëpëjkpëtëjk yajpajëtijtaktë may ojts kyukääkëtë jam Fenicia, Chipre ets Antioquía. Jamts ojts tkajpxwa'kxtë ja Dios ja y'aaw y'ayuk ma ja jutiis ja'ayëtyën.

Hechos 14:25

Ets ojts tkajpxwa'kxtë ja Dios ja y'aaw y'ayuk jam Perge. Jam tsyo'ontë ets ojts nyëjkxtë Atalía.

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Dios ja y'aaw y'ayuk tkajpxwa'kxtëty jam Asia.

Hechos 8:25

Ko ja Pedro ets ja Juan tnimëtyaktaaytyë ja Wintsën ja y'aaw y'ayuk, ënät wyimpijnëtë ets nyëjkxnëtë jam Jerusalén, tkajpxwa'kxtë ja Dios ja y'aaw y'ayuk maajëty ja kajpn ënety tuknaxtën jam Samaria y'itjotm.

Romanos 10:8

¿Pën ënaanp?: Ja aaw ayuk wiinko ja yajpaaty ma m'aaw mjotmën. Yë'ë jëtu'un ya'atë ja aaw ayuk mëti'ipës ja'ay n'ëwa'anëtëpën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.