Marcos 15:43 - Biblia Dc en Mixe de Quetzaltepec

⁴³ tääts ja José myiiny, Arimatea ja'ay; tu'uk ja tsajptëkotyëtë yajjuntë'ajtpë mëti'ipë wintsë'ëkë ijtpën, yë'ë ënety jyëjp'ijxyp ko myina'any ja Dios ja kyutujkën, ënät ojts nyijkx amëk jotmëk ma ja Pilato ets t'amëtooy ja Jesús ja nyi'kx kyopk.

Biblia Mixe de Quetzaltepec

⁴³ tääts ja José myiiny, Arimatea ja'ay; tu'uk ja tsajptëkotyëtë yajjuntë'ajtpë mëti'ipë wintsë'ëkë ijtpën, yë'ë ënäty jyëjp'ijxyp ko myina'any ja Tios ja kyutujkën, ënät ojts nyijkx amëk jotmëk ma ja Pilato ets t'amëtooy ja Jesús ja nyi'kx kyopk.

Marcos 15:43 ပူးပေါင်းရင်းမြစ်များ

Lucas 2:38

Tääts ja Aná nän jää jyä'äjty ets ja Dios tkukajpxëy ets ojts tnikäjpxy tnimëtyä'äky ja mëxu'unk Jesús, ma ja ja'ayëtyën mëti'ipë jyëjp'ijxtëpën ets ja jerusalén kajpn y'ëwaatsëpëtsëmëty.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Hechos 17:12

Tääts may ja jutiis ja'ay myëpëjktë, näjyëtu'un ja griegë ja'ayëty; jëtu'un ja to'oxytyëjkëty mëj'äämpë ets wintsë'ëkëpë y'itën ets näjyëtu'un ja ye'etyëjkëty nimay.

Juan 19:38

Ko jëtu'un jyäjty kyëpejty, ja José mëti'ipë kukajpn'ajtpën jam Arimatea, ojts t'amëtoy ja Pilato ets myo'ojëtëty ja Jesús ja nyi'kx kyopk. Yë José yë'ë ijty yë Jesús ijxpëjkpë'ajtëp, je'eyëp ko ayu'utsy jä'ä ko yë'ë tsyë'këp ja kutuunktëjk, jutiis ja'ayëty. Ojts ja Pilato myo'oyë ja kuttujkën ets tyajënakëty ja Jesús ja nyi'kx kyopk jam kruutskëjxm.

Mateo 27:57

Ko ojts tsyu'ujënë, ënät myiiny tu'uk ja kumeenyjyä'äy, José xyëëwajtyp, Arimatea ja'ay, mëti'ipë ënety näjyëtu'un ja Jesús myëpëjkpyën.

Filipenses 1:14

Ets ko të t'ixtë ko jap tsumy n'ityës, may ja nmëku'uk'ajtëmë të jyotmëkta'aktë ets të nimëtya'aktëty ja oy aaw oy ayuk amëk jotmëk ets yi'iyë tu'ukyë tyuk'ijxpäjtëp ja Wintsën.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

Marcos 14:54

Jëkäm jëxkë'ëm ja Pedro tpanëjkxy ja Jesús koonëm timpyaja'ajty ma ja teety wintsën ja tyëja'awën. Jamts nyaaxwe'tsy ma ja ja'ay xyamtën mëët ja tsajptëjk këwent'ajtpë.

Mateo 20:16

Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Mateo 19:30

Je'eyëp ko nimay ja ja'ayëty, mëti'ipë tyam jëwyiin'ajtëpën, ix'ok wyë'ëma'antë; ets nimay, mëti'ipë tyam ix'okëtyën, jëwyiin nëjkx nyaxtë.

Marcos 15:44

Tääts ja Pilato mëk tja'awëy ko tmëtooy ko tëë ja Jesús y'o'knë. Ënet tyaxëy ja tsiptuunpë wintsën ets tyajtëëy pën tëë ënety ja Jesús jyäänty'o'knë.

Lucas 23:50

Jam ënety tu'uk ja ja'ay oyjyä'äypyë ets wa'ats ja'ay, José xyëëwajtyp; Arimatea tsyoony, Judea y'itjotm. Jutiis ja'ay, jap tyuny ma ja tsajptëkotyëtë yajjuntëtuunpën. Tyaapë José jyëjp'ijxyp ënety jëna'a wyinkony ja Dios ja kyutujkën; ka'ap ojts oy t'ixy ko ja wintsëntëjk tyaj'o'ktë ja Jesús.