Marcos 15:34 - Biblia Dc en Mixe de Quetzaltepec

³⁴ Näy jää, mëj jënäkyxyëëw ja Jesús ojts mëk y'ënä'äny: Eloí, Eloí, ¿lamá sabactani? Jä'ä nyiwijy: nTiosës, nTiosës, ¿tiijës ko të xy'ëxmatsy?

Biblia Mixe de Quetzaltepec

³⁴ Näy jää, mëj jënäkyxyëëw ja Jesús ojts mëk y'ënä'äny: Eloí, Eloí, ¿lamá sabactani? Jä'ä nyiwijy: nTiosës, nTiosës, ¿tiijës ko të xy'ëxmatsy?

Marcos 15:34 ပူးပေါင်းရင်းမြစ်များ

Salmos 22:1

Dios, mëti'ipës nTios'ajtypyën, Dios mëti'ipës nTios'ajtypyën. ¿Wi'ix ko xynyawa'ktu'utyës? ¿Wi'ix ko xykyaniminyës etsës xyajtso'okëty? ¿Wi'ix ko xykyamëtoy koos një'ëy nyä'äxy?

Mateo 27:46

Jä'ä xëëw ojts ja Jesús mëk yujkyä'äxy: Eli, Eli, ¿lamá sabactani? jä'ä yajja'akyukë: Dios, Dios, ¿tiijës ko xy'ëxmatsy?

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Salmos 27:9

Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

Salmos 71:11

Tyaa y'ëna'antë: Ixta'atë ets xymyatstëty, yë Tyios mëti'ipë y'ëwtajtypyën tëë jyä'äytyëkooyënë, paaty tyam ka'ap t'ëkmëët'ajnë pën yajtso'okëtëp.

Daniel 9:21

Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Salmos 42:9

Jëtu'unës Dios n'ënëëmë mëti'ipës xykyuwaanpën: ¿wi'ixës ko xyjyä'äytyëkoy? ¿Wi'ix koos nyajpaatëty jë'ë ya'ax ko ja nmëtsipës ëxëëk y'ëti'itsy y'ënä'äny?

Hechos 10:3

Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.

Lucas 23:46

Tääts ja Jesús mëk yujk'ënany: Dios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Lucas 23:44

Jää ënety kujkyxyëëwën ko ja it ojts kyootsëtyëkoy, jeky koots y'ijty, mëj jënäkyxyëëw ojts jatëkok jyajtä'äky.

Lamentaciones 5:20

¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Mateo 27:45

Ojts kyootsë ja naaxwiinyëtë, kujkxyëëw ënety, ets jëtu'un y'ijty jënäkyxyëëwpaat.

Marcos 15:25

Jää ënety taxtujk yaxp ko ja Jesús tyajkruutspäjtë.

Marcos 15:35

Jënaakën mëti'ipë ënety jam myëtoowtëpën, jä'ä ënantë: Mëtowtë, yë'ë myëkäjpxyp ja käjpxynyajxpë Elías.