Marcos 15:32 - Biblia Dc en Mixe de Quetzaltepec

³² Wä'änts ënät tyam tjënäky tääpë Kristë kruutskëjxm, yë Israel yajkutujkpë, jëtu'unts n'ijxmëty ets nmëpëjkmëty. Yë'ëpaat mëti'ipë ënety jam mëëtën kruutskëjxm ojts nyëxi'iky tyukxi'ikyë.

Biblia Mixe de Quetzaltepec

³² Wä'änts ënät tyam tjënäky tääpë Kristë kruutskëjxm, yë Israel yajkutujkpë, jëtu'unts n'ijxmëty ets nmëpëjkmëty. Yë'ëpaat mëti'ipë ënäty jam mëëtën kruutskëjxm ojts nyëxi'iky tyukxi'ikyë.

Marcos 15:32 ပူးပေါင်းရင်းမြစ်များ

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 1:17

Majkmajkts najtskä'äxë tpaty ko tsyo'ontä'äky ma Abraham ets jyä'ty ma David. David jatëkok tyuktso'ontäkpy majkmajkts najtskä'äxë koonëm ja Israel ja'ay yajmënëjkxtë Babilonyë. Ënet ja wiinkpë tsyo'ontäky ja majkmajkts najtskä'äxë mapaat ja Kristë myiiny naaxwiiny.

Mateo 27:42

Tëë wiinkëtypë tyajtso'oky, yë'ë kë'ëm ka'ap myäyë nyäyajtso'okëtëty. Yë'ë jutiis ja'ay yajkutujkpë, wa'an kë'ëm kruutskëjxm näyajënäkyë ets nmëpëjkmëty.

Mateo 27:44

Näyjyëtu'un tu'uk ja mä'tspë y'ënäny mëti'ipë ënety jam kruutskëjxm näjyëtu'un yajpatpën, nyëxik tyukxik ja Jesús.

Marcos 15:26

Ënet ja letrë ojts jam tpëjkta'aktë mëti'ipë ënaanpën: Jutiis yajkutujkpë.

Marcos 15:27

Nimäjtsk ja mä'tspë tyajkruutspäjtë tu'kpa'ajaty mëët ja Jesús, tu'uk a'oytsyow ets tu'uk anajnytsyow.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 12:13

Ënet ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Dios kënu'kxëtëp mëti'ipë miinpën Wintsën xyëëwkëjxm. Dios kënu'kxëtëp yë Israel yajkutujkpë.

Romanos 3:3

¿E tiixën të tyuny të jyätyë? ¿Wä'än jëtää ja Dios tkayajtuna'any mëti'ipë të tnikäjpxyënë?

2 Timoteo 2:18

mëti'ipë të t'ëxmajtsnëtën ja tëyajtën ko y'ëna'antë ko ka'ap ja'ay y'ëkjuukpyëkanë, jëtu'un tyajkma'atëtë ja ja'ay ja myëpëjkënëty.