Marcos 15:19 - Biblia Dc en Mixe de Quetzaltepec

¹⁹ Ojts ja kepy tukuwojpë'ëktë, ojts nitsujëtë, ojts nëxik tukxiktë, twinkoxtänëtë ets nyätyijyë t'ëwtajtë.

Biblia Mixe de Quetzaltepec

¹⁹ Ojts ja kepy tukuwojpë'ëktë, ojts nitsujëtë, ojts nëxik tukxiktë, twinkoxtänëtë ets nyätyijyë t'ëwtajtë.

Marcos 15:19 ပူးပေါင်းရင်းမြစ်များ

Marcos 14:65

Tam jënaakën mëti'ipë ojts twinkutsujëtën ja Jesús, ojts näjyëtu'un twinkutsumëtë ets twintäjx tjëjptäjxtë ets tyajtëëwtë: Nasjawë pën të mkoxyë. E ja tsajptëjk këwent'ajtpë ojts wyinkox jyëjpkoxëtë.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Filipenses 2:10

jëtu'un tääpë ja xëëw mëj'äämpy nyaxëty, mëti'ipë ja Jesús yajmooyën ets wyinkoxtänëtëty ni'ëmukë mëti'ipë jamën tsajpjotm, naaxwiiny ets naaxpa'tkë'p,

Romanos 11:4

Ënet ja Dios y'ëtsoowinpijtë: Tëës ja ja'ay ëpëky npëjktä'äky niwëxtujk mil mëti'ipë ka'ap të twinkoxtänëtën ja Baal ja y'awinax.

Lucas 23:36

Näyjyëtu'un ja tsiptuunpëtëjkëty nyëxik tyukxikëtë ja Jesús, winkon tninëjkxtë ets tuk'uuka'antë ja tsatsym nyëë xun,

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 22:63

Ënet ja ja'ayëty mëti'ipë ënety ja Jesús jam kyëwent'ajtëpën nëxik tukxiktë, twinwojp tjëjpwojptë.

Marcos 10:34

Ets nëxi'ika'an tukxi'ika'antë, twintsuj'an tjëjptsuja'antë, ets tyaj'ooka'antë; je'eyëp ko, kom tëkëëk xëëw jyuukpyëka'any.

Marcos 9:12

Ënet ja Jesús y'ëtsooy: Mëtëy yë'ë, jëwyiin yë Elías myina'any ets tu'kë'ëyë tyaj'o'oyëtya'aja'any winë. ¿E tii ko ja Dios ja y'ayuk y'ënä'äny koos ëjts n'ëyo'onpaata'any ets ko ka'apës nyajkupëka'any?

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.

Isaías 52:14

Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

Job 13:9

je'eyëp ko tii jëtää tunëtëp jatëtëp ko Dios m'ëk winma'any ixa'anëtëty. ¿Jyëkyejpy jëtää yë Dios xywin'ëëntëtyë?

1 Reyes 19:18

E kajts ënät ntimy ëna'anmëty ja'ay tyim o'kta'aja'antë, nyajwë'ëmäämpyës jam ma Israel kajpnën niwëxtujk mil yë ja'ay mëti'ipë ka'ap të twinkoxtänëtën yë Baal ets nän ka'ap të tsu'kxtë.

Génesis 43:28

Ënet ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

Génesis 24:52

Ko ja jëtu'unpë ja aaw ayuk tmëtooy ja Abraham ja tyuunpë, ënät ojts nyäjyijtä'äkyë naaxkëjxy ets t'ëwtajty ja Wintsën mëët kukkajpxën ja'awëkyëtakkën.

Mateo 27:30

Ojts twintsuj tjëjptsujtë ets ojts twoptë mëët ja kepy mëti'ipë tyukë'ëkajpëtyën.

Marcos 15:18

Ko jëtu'un tuuntë, tääts tmëyax tmëjojktë: Mëj yajkutujkpë, jutiis ja'ay kyutujkpë.

Marcos 15:20

Ko jëtu'un nëxiktë tukxiktë, tääts ja tsu'unk wit tuknijääntutë jatëkok ets ja kyë'ëm wit tukxojxtë mëti'ipë ënety wyit'ajtypyën. Tääts twoowpëtsëëmtë ets tyajkruutspäta'antë.