Marcos 15:14 - Biblia Dc en Mixe de Quetzaltepec

¹⁴ Tääts ja Pilato t'ënëmaay ja mayjyä'äy: ¿Tiixë të mtukmëtuuntëkoyëtë? Tääts ojts jatëkok wäänë mëk tyëkëtë yaxpë jojkpë ets y'ënantë: Yajkruutspät.

Biblia Mixe de Quetzaltepec

¹⁴ Tääts ja Pilato t'ënëmaay ja mayjyä'äy: ¿Tiixë të mtukmëtuuntëkoyëtë? Tääts ojts jatëkok wäänë mëk tyëkëtë yaxpë jojkpë ets y'ënantë: Yajkruutspät.

Marcos 15:14 ပူးပေါင်းရင်းမြစ်များ

Lucas 23:41

Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hechos 19:34

Ko ja Alejandro yaj'ijxkäjpy ko jyutiisëty, ënät wäänë mëk ojts yaxpë jojkpë tyëkëtë mäjtsk horën: Mëj yë Artemisa, Éfeso ja'ay wyintaj.

Juan 19:6

Ko t'ijxtë ja teety wintsëntëjk ets ja mëjtsajptëjk këwent'ajtpë ets yaxpë jojkpë tyëjkëtyë: Yajkruutspät. Yajkruutspät. Ets ja Pilato y'ënëmaayëtë: Mënëjkxtë ets miits xyajkruutspätëty, ëjts ka'apës tii pyoky të npatë.

Juan 18:38

Ets ja Pilato y'ënëmaayë: ¿Tii tëy'ajtën'ajtp? Ko ja Pilato jëtu'un y'ënaantaay ënät pyëtsiimy jatëkok ets ojts tmëkäjpxy ja jutiis ja'ayëty: Ka'apës tii poky npaaty ma tääpë ja'ayën.

Lucas 23:47

Ko ja tsiptuunpë wintsën t'ijxy wi'ix ënety të tyuny të jyätyën, tääts ja Dios tmëjja'awëy ets y'ënäny: Tëytyëm jëtu'un ko ka'ap ya'atë ja'ay pyokymyëëtëty.

Lucas 23:21

Wäänë mëk ja ja'ay tyëjkëtyë yaxpë jojkpë: Yajkruutspät, yajkruutspät.

Lucas 23:4

Ënet ja Pilato t'ënëmaay ja teety wintsënëty ets ja ja'ayëty: Ka'apës tii poky npaaty ma ya'atë ye'etyëjkën.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 27:19

Tam ënety ja Pilato y'u'unyë ma ja kyutujktaknën ko ja tyo'oxytyëjk ojts ja ayuk tyuknikexyë: këtii tääpë ja'ay xymyëmayëty, ka'ap tii poky tmëëtëty. Jä'ä ko tëëjës tääpë ja'ay nwinkuma'ay ya'atë tsu'um.

Mateo 27:4

ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Isaías 53:9

Ets tyajnaaxtëjkëtyë jam ma ëxëëkja'aytyëjkën, mëët ja tuuntëkoopyë kajpxtëkoopyë ojts nyaaxtëkë, oy ënety ka'ap tii tuuntëko'oyën tmëëtëty ets oy ojts mëtëy jyakäjpxy.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Marcos 15:13

Ënet mëk'äämpy y'ëtsoowtë: Yajkruutspät.

Marcos 15:15

Yajjotkujkëjäämpy ënety ja Pilato ja mayjyä'äy, tääts tyaj'ëwaatsëpëtsëëmy ja Barrabás ets ojts tni'ënä'ämë ja Jesús ets yajkwopëty jëtu'un tkë'ëyäjky ets kyëruutspätëty.

Hechos 13:28

Oy ënety ka'ap tii poky tmëëtëty, ojts t'amëtowtë ja Pilato ets tyaj'ookëty ja Jesús.