Marcos 15:11 - Biblia Dc en Mixe de Quetzaltepec

¹¹ Tääts ja teety wintsëntëjk ets ja tsajptëkotyëtë yaj'ijxpëjkpëtëjk ojts ja mayjyä'äy t'akajpxëtë ets y'ëna'antëty ko Barrabás y'ëwaatsëpëtsëmëty.

Biblia Mixe de Quetzaltepec

¹¹ Tääts ja teety wintsëntëjk ets ja tsajptëkotyëtë yaj'ijxpëjkpëtëjk ojts ja mayjyä'äy t'akajpxëtë ets y'ëna'antëty ko Barrabás y'ëwaatsëpëtsëmëty.

Marcos 15:11 ပူးပေါင်းရင်းမြစ်များ

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Mateo 27:20

E ja teety wintsëntëjkëty ets ja mëjja'aytyëjk ojts tukmëpëktë ja mayjyä'äy ets yë'ë tnikajpxtëty ja Jesús Barrabás ets yë'ë y'ëwaatsëpëtsëmëty; e ja Jesús mëti'ipë yajtijpën Kristë yë'ë ookëp.

Marcos 15:10

Jä'äkyëjxm ko nyija'ap ënety ko ja teety wintsënëty näjyënaxë tjawëtë, paaty ënety të tkë'ëyaktë ja Jesús.

Marcos 15:12

Ënet ja Pilato tyajtëëwkojnëpë ja mayjyä'äy: ¿Wi'ixës mtunëty mëti'ipë miits mtijtëpën jutiis ja'ay yajkutujkpë?

Juan 18:40

Ets ni'ëmukë yujk'ënantë: Ka'ap. Yë'ë Barrabás ëxmats. Ja Barrabás mä'tsp ijty.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.