Marcos 14:61 - Biblia Dc en Mixe de Quetzaltepec

⁶¹ Ja Jesús amonyë y'ity ets ka'ap tyim'ëtsoy. Ënet ja teety wintsën ojts tyajtëy: ¿Mijts mKristë, ja Kënu'kxy y'U'unkë?

Biblia Mixe de Quetzaltepec

⁶¹ Ja Jesús amonyë y'ity ets ka'ap tyim'ëtsoy. Ënät ja teety wintsën ojts tyajtëy: ¿Mijts mKristë, ja Kënu'kxy y'U'unkë?

Marcos 14:61 ပူးပေါင်းရင်းမြစ်များ

Salmos 119:12

Kënu'kxy mëjjawë mijts m'itëty Wintsën. Tukni''ijxëkës yë m'ënä'ämën mtëyajtën.

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Isaías 53:7

O'ktëy yajtuuny yaj'ënëmaay, niwi'ix ojts kya'ëna'any, amonyë tkupëjky ja nätyiytyunë; jëtu'un ojts yajmënëjkxy ma o'ktaknën tä tu'uk kupixyny yajmënëjkxyën ma y'o'ktaknën, amonyë y'ijty, nitu'k'aaw kyakajpxpëtsëëmy, jëtu'un tä tu'uk kupixyny ayääkën mëti'ipë yajnikä'ptutpën.

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Marcos 14:60

Ënet ja teety wintsën wya'kujkëy mayjyä'äyjoty, ets tyajtëëy ja Jesús: ¿Ka'ap m'ëtsoyë? ¿Tii ko yë ja'ay tëkatsy mni'ëënëty?

Marcos 15:2

Tääts ja Pilato tyajtëëy ja Jesús: ¿Mijts ja jutiis ja'ayëty yajkutujkpë? Tääts ja Jesús y'ëtsooy: Ëjts, ijxtëm mijts m'ëna'anyën.

Juan 1:34

Tëës n'ixy, ëjts ijxpë nija'apës je'eyë ko yë'ë Dios y'u'unk'atyë.

Juan 10:24

Ënet ja Jesús ojts ja jutiis ja'ayëty nyapikëty ets yajtëëwë: ¿Xëmë jëtu'un ëëts ka'ap nijawëtëty pën mijts mKristë? Tuk'ëwa'anëtëkës etsës nijawëtëty.

Juan 10:36

E pën ëjts tëëjës ja Dios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Dios nmëtëkoyës koos nätyijyë ko yë'ë xy'u'unkëtyës?

Juan 18:37

Ënet ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënet ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Dios U'unk.

Juan 19:9

Ets tyëjkëkyojnëpë këmoontëkoty ets tyajtëëy ja Jesús: ¿Maa mkukajpnëty? Niwi'ix ja Jesús kya'ëtsooy.

Hechos 8:32

Yë'ë ënety kyäjpxyp ma ja Dios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

1 Timoteo 6:15

Jëtu'un jyatëty ko ja xëëw jëmëjt tpaatëty mëti'ipë ja Dios të tuknipëjktaakën. Kënu'kxy yë'ë, yë'ë tu'ukyë yajkutujkp, ma ja yajkutujkpëtëjkën ets mëti'ipë nyiwintsën'ajtypyën ja wintsëntëjk.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.