Marcos 14:44 - Biblia Dc en Mixe de Quetzaltepec

⁴⁴ Ja Judas tëë ënety ja ijxpät tyäky, jëtu'un ënety të y'ënä'äny: Pënës ntsu'kxyp, yë'ë ënety, yë'ëts mmatstëp ets xyajnëjkxtëty, mëk xymyatstëty.

Biblia Mixe de Quetzaltepec

⁴⁴ Ja Judas tëë ënäty ja ijxpät tyäky, jëtu'un ënäty të y'ënä'äny: Pënës ntsu'kxyp, yë'ë ënäty, yë'ëts mmatstëp ets xyajnëjkxtëty, mëk xymyatstëty.

Marcos 14:44 ပူးပေါင်းရင်းမြစ်များ

Proverbios 27:6

Ni'ik oy ko jëëky mëku'uk ntuk'ijxpäjtmëty mëti'ipë ënätyë tukmëkajpxpën ko tii oy kyayajtuny, ets këtii ko tu'uk yë mëtsip tsyu'kxy.

Éxodo 12:13

Yë ne'pny yë'ë nëjkx yë mjëën mtëjkëty xytyukkoytyë, yë'ëtsës n'ixëp etsës jëtu'un nijawëty ko ënety miitsëty jap myajpaatë. Paaty koos ënety naxy ma ja Egiptë ja'ayëty ja jyëën tyëjkëtyën, maas ënety nyaj'ooka'anyën tëkokyë ja kä'äxkopktëjk. Ma miitsëtyën nitu'uk pën kya'ookëty, jä'ä ko ja ne'pny jä'äs n'ixëp etsës jëkäm naye'eyëty ja mjëën mtëjkëty.

2 Tesalonicenses 3:17

Ëjts Pablo, ëjts kë'ëm njääpy ya'atë kajpxpo'kxën ets miits ntuknijayëtë. Jëtu'unës nyajkojy ja noky mëti'ipës njääpyën, ijxtëm nja'ayën'atyënës.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënety ja nitsokën xypyaata'antë. Ya'atë Dios jëtu'un të tuknipëjktaakë.

Josue 2:12

Paaty yam n'ënëëmëtë ets xynyikajpxtëty yaa Dios wintuuy ko ka'ap ëxëëk xytyuna'antë ja njëëky nmëku'ukës, ko jëtu'un xy'oyjyawëja'antë tä yam miitsëty n'oyjyawëtën. Tuknija'awëtyëkës ko miitsëty jaanty yam m'ëna'antë,

Hechos 16:23

Ko yajwojptaaytyë, tääts yajtsuumtë ets ja pujxntëjk këwent'ajtpë ojts yajtuk'ëne'emy ets mëk tkëwent'atëty.

Mateo 26:46

Pëtë'ëktë ets nja'amëty. Tää wyinkony ja ja'ay mëti'ipës xykyë'ëyakaanpën.

Marcos 14:43

Tam ja Jesús ënety jëtu'un y'ënä'äny ko ja Judas jyä'äjty, tu'ukpë, ma ja nimajkmäjtskpë ja y'ijxpëjkpëtëjkën. Yë'ë mëët jyä'äjty ja mayjyä'äy, tëypyujxn ets kepy myëmiintëp. Jä'ä ja teety wintsëntëjk käjxëtëp, tsajptëkotyëtë yaj'ijxpëjkpëtëjk ets ja mëjja'aytyëjkëty.

Marcos 14:45

Ko Judas jam jyä'äjty, ënät twinkuwa'këy ja Jesús ets t'ënëmaay: Wintsën. Ets ojts tsu'kxy.