Marcos 14:41 - Biblia Dc en Mixe de Quetzaltepec

⁴¹ Mëtëkëëk'ok ojts wyimpity ets y'ënëmaayëtë: ¿Mjaakmaap mjaakpo'kxtëpë? Jäpaat të ma'atë, tëë ja nyixëëw tpaaty etsës nyajkë'ëyakëty ma ja pokyjyä'äyëtyën, ëjts, naaxwiinyëtë ja'ay ja y'U'unk.

Biblia Mixe de Quetzaltepec

⁴¹ Mëtëkëëk'ok ojts wyimpity ets y'ënëmaayëtë: ¿Mjaakmaap mjaakpo'kxtëpë? Jäpaat të ma'atë, tëë ja nyixëëw tpaaty etsës nyajkë'ëyakëty ma ja pokyjyä'äyëtyën, ëjts, naaxwiinyëtë ja'ay ja y'U'unk.

Marcos 14:41 ပူးပေါင်းရင်းမြစ်များ

Marcos 14:35

Tääts ja Jesús ojts wäänë jyaak nëjkxy ets nyäkyoxtënaaytyakë, tyukpatyp ja wyinpok ja naax ets ja Dios t'amëtooy pën mëpaat'ajtp ets ka'ap y'ëyo'onpaatëty.

Marcos 9:31

jä'ä ko aak ayi'iyë ënety ja y'ijxpëjkpëtëjk jam tyaj'ijxpëky, ets t'ënëmaay: Yajkë'ëyakaanpës ma naaxwiinyëtë ja'ayëtyën ets xyaj'ooka'antës, je'eyëp ko kom tëkëëk xëëw jatëkok njuukpyëka'anyës.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Dios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Juan 12:23

Ënet ja Jesús y'ënëmaayëtë: Tëë ja xëëw jëmëjt tpaaty ko yajmëjjaw yajjaantyjyawëty ja naaxwiinyëtë ja'ay ja y'U'unk.

Juan 8:20

Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.

Juan 7:30

Ënet ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënety ja nyixëëw tpaatynyëm.

Marcos 14:18

Ko twinkuwä'tsëy ja kaaypyäjn ets kyääytyë, ënät ja Jesús y'ënäny: Tëy miits n'ënëëmëtë ko tää yaa tu'uk nmëëtka'ayëm mëti'ipës xykyë'ëyakaanpën.

Marcos 14:10

Ënet ja Judas Iscariote tsyo'ony, tu'uk ja mëti'ipë mëët nyimajkmäjtskën ja Jesús ja y'ijxpëjkpëtëjk ets ojts tninëjkxy ja teety wintsëntëjk ets tkë'ëyäka'any ja Jesús.

Marcos 7:9

Näyjyëtu'un ja Jesús y'ënëmaayëtë: Janty wijy miits mnäyjyawëtë ko ka'ap xykyupëktë ja Dios ja y'ënä'ämën, jä'ä ko yë'ë mtunantëp mëti'ipë kë'ëm mmaay mtajtëpën.

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Ezequiel 20:39

Mijts Israel kajpn, mëtoow'it wi'ix yë Wintsën y'ënä'änyën: Nëjkx ëwtatë yë m'awinaxëty. Je'eyëp ko ok nëjkx xymyëmëtowtës ets ka'ap jatëkok xy'ëk'ëxëëk tuunëtëty ja nkënu'kxy xyëëwës ma ja wiink tios xymyo'otën ja wintsë'kën ets xy'ëwtatë.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

1 Reyes 22:15

Ënet ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

1 Reyes 18:27

Ko ënety jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.

Marcos 14:40

Ko ojts wyimpity ma ja y'ijxpëjkpëtëjkën, maatëp jatëkok tpaty, jä'ä ko nëkoo ënety mya'ajanëtë ets ka'ap tnijawëtë wi'ix y'ëtsowtëty.

Marcos 14:42

Pëtë'ëktë ets nja'amëty, tyaa ja ja'ay myiny mëti'ipës xykyë'ëyakaanpën.