Marcos 14:36 - Biblia Dc en Mixe de Quetzaltepec

³⁶ Ets tmëkäjpxy ja Dios: Mijts, Dios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Biblia Mixe de Quetzaltepec

³⁶ Ets tmëkäjpxy ja Tios: Mijts, Tios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Marcos 14:36 ပူးပေါင်းရင်းမြစ်များ

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Jeremias 32:27

Ëjts jëtu'un Wintsënajtp, mëti'ipë Tyios'ajtëpën tëkokyë juukpyë. Nitii kyatsiptä'äky mëët ëjts.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Marcos 10:27

Tääts ja Jesús ojts wyintë'kxëtë ets y'ëtsoowëtë: Yë ja'ayëty tsip yë tjawëtë, yë Dios ka'ap tiitsip tjawë; jä'ä ko yë'ë maaytyääyëp winë.

Marcos 10:39

Tääts y'ëtsoowtë: Nkupëktëpës. Ënet ja Jesús y'ënëmaayëtë: Tëy, näjyëtu'un miits m'ëyo'onpaatëty ijxtëm ëjtsën ets näjyëtu'un mnëëpäta'antë ijxtëm ëjtsën,

Marcos 14:37

Tääts wyimpijty ma jam ja y'ijxpëjkpëtëjkëtyën, ets tuk'ijxpejty ko maatëp ënety jam. Tääts t'ënëmaay ja Pedro: Simón, ¿tëë mmaanaxyë, tii këtii mëtä'äky ets wijy m'itëtyë?

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Dios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Filipenses 2:8

Ojts kë'ëm naxym nyäpyëjktä'äkyë, myëmëtoow ja o'kën, ja o'kën kruutskëjxmëpë.

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.