Marcos 14:27 - Biblia Dc en Mixe de Quetzaltepec

²⁷ Jam ja Jesús ojts y'ënë'ëmxëtë: Xy'ëxmatsantëpës miits ni'ëmukë, jä'ä ko jëtu'un ja Dios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny kyääkwa'kxta'aja'antë.

Biblia Mixe de Quetzaltepec

²⁷ Jam ja Jesús ojts y'ënë'ëmxëtë: Xy'ëxmatsantëpës miits ni'ëmukë, jä'ä ko jëtu'un ja Tios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny kyääkwa'kxta'aja'antë.

Marcos 14:27 ပူးပေါင်းရင်းမြစ်များ

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Mateo 26:31

Jamts ja Jesús ojts y'ënë'ëmxëtë: Xy'ëxmatsantëpës miitsëty ni'ëmukë ya'atë tsu'um, jä'ä ko jëtu'un ja Dios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny jëtu'unyë kyääkwa'kxta'aja'antë.

Juan 16:1

Paaty miits ya'atë ntuk'ëwaanëtë këtiipë xy'ëxmatstëty ja mmëpëjkën ma ëjtsën.

2 Timoteo 4:16

Koos ënety nänyikajpxtu'utyë ma ja kutuunkëtyën, ka'ap ojts pën xypyutëkës, ni'ëmukë xy'ëxmajtstaaytyës. Jääpëk yë Dios ka'ap tja'amyetsy.

Mateo 11:6

Ets akujk jotkujk ja'ay yajpaaty mëti'ipë ka'ap y'anäp y'atä'pxën maas ëjtsën.