Marcos 14:21 - Biblia Dc en Mixe de Quetzaltepec

²¹ Jëtu'unës mëpaat njaty ijxtëm ja Dios ja y'aaw y'ayuk y'ënä'änyën, ëjts, naaxwiinyëtë ja'ay y'U'unk. Temë tääpë ja'ay mëti'ipës xykyë'ëyakaanpën, nikë oyxyëp të kyamëxu'unk'aty.

Biblia Mixe de Quetzaltepec

²¹ Jëtu'unës mëpaat njaty ijxtëm ja Tios ja y'aaw y'ayuk y'ënä'änyën, ëjts, naaxwiinyëtë ja'ay y'U'unk. Temë tääpë ja'ay mëti'ipës xykyë'ëyakaanpën, nikë oyxyëp të kyamëxu'unk'aty.

Marcos 14:21 ပူးပေါင်းရင်းမြစ်များ

Juan 19:28

Ko jëtu'un jyäjty kyëpejty, ets ko nän nyija'ap ënety ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Hechos 1:25

Wä'än tuny ja tuunk mëti'ipë ja Judas y'ëxmajtsën ko ojts nyijkx ma ënety tuknipëjktaakë y'ityën.

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Dios ja kyäjpxynyajxpëtëjk jyääytyën. Ënet ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Mateo 26:54

Ko jeexyë y'ëkjëtu'unëty ¿wi'ix y'atëwëty ja Dios ja y'aaw y'ayuk mëti'ipë ënaanpën ko jëtu'un tyunëtëty jyatëtëty?

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Isaías 52:14

Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Salmos 55:15

Jääpëk yë nmëtsiptëjkës yë o'kën tyukja'tëtë ajotkumonë, ëkë jeexyë ajuukyë kyuka'anaxtë jutjoty, jä'ä ko yë'ëjëty yi'iyë yë ëxëëkajtën jap jyootjoty wyinma'anyotyëty.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Lucas 22:22

Ëjts, naaxwiinyëtë ja'ay y'U'unk, yë'ëjës ntuunpy mëti'ipës të nyajtuknipëjktaakën. E o'ktëy jyata'any tääpë ja'ay mëti'ipës xykyë'ëyakaanpën.

Marcos 14:49

Jëpom të nyajpaaty mëët miitsëty ko nyaj'ijxpëktë ma ja mëjtsajptëjkën ets ka'ap miits të xymyatstës. Paaty jëtu'un tyam tyunyë jyätyë winë ets ja Dios ja y'aaw y'ayuk y'atëwëty.

Marcos 14:20

Ënet ja Jesús y'ëtsooy: Yë'ë tu'uk ja nimajkmäjtskpë mëti'ipë nän jap ja tsyajpkääky y'amujëpën maas yë ntexyën.

Marcos 14:22

Tam ënety y'a'ux'atë, ko ja Jesús tnixajëy ja tsajpkääky ets ja Dios tmooy ja kukajpxën. Tääts ojts tujkwä'kxy ets tmooy ja y'ijxpëjkpëtëjk ets t'ënëmaay: Kaytyë, ya'atë, ëjts yë ni'kx nkopk.