Marcos 14:18 - Biblia Dc en Mixe de Quetzaltepec

¹⁸ Ko twinkuwä'tsëy ja kaaypyäjn ets kyääytyë, ënät ja Jesús y'ënäny: Tëy miits n'ënëëmëtë ko tää yaa tu'uk nmëëtka'ayëm mëti'ipës xykyë'ëyakaanpën.

Biblia Mixe de Quetzaltepec

¹⁸ Ko twinkuwä'tsëy ja kaaypyäjn ets kyääytyë, ënät ja Jesús y'ënäny: Tëy miits n'ënëëmëtë ko tää yaa tu'uk nmëëtka'ayëm mëti'ipës xykyë'ëyakaanpën.

Marcos 14:18 ပူးပေါင်းရင်းမြစ်များ

Salmos 41:9

Yë'ëpaat yë nmëku'ukës mëti'ipës ënety mëët oy nnäjyawëtyën, mëti'ipës ënety mëët tu'ukyë nkay n'uukyën, nän tëës xymyëtsiptsoony.

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Juan 6:47

Tëy miits nëëmëtë ko pën xymyëpëjkpës, yë'ë myëët'ajtyp ja juukyajtën xëmëkyëjxmëpë.

Juan 13:38

Ënet ja Jesús y'ëtsoowë: ¿Jaanty m'ëna'any, koos xmyë''ëyoowpäta'anyësë? Tëy yam mijts nëëmëty ko naamka'anëm ënety ja këtseynyë'aaw yaaxë'ëkynyëm ko mijts xykyuyu'utsëtyës tëkëëk ok.

Juan 13:21

Ko jëtu'un y'ënaantaay ënät ojts jyotmaytyëkë ets ojts tkajpxtë'kxy: Tëy miits nëëmëtë ko tu'uk jam ma miitsëtyën mëti'ipës xykyë'ëyakaanpën.

Juan 6:32

Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.

Juan 3:11

Tëy mijts t'ënëëmë ko nija'awëtyëpës mëti'ipës nnikajpxtëpën, ets nija'awëtyëp ëëtsëty mëti'ipës të n'ixtën; je'eyëp ko miitsëty ka'ap xymyëpëktë mëti'ipë njatukmëmëtyaktëpën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Lucas 11:51

tyimtso'ontä'äky ma ja Abel y'o'kyën ets jyëjpkëxy ma ja Zacarías y'o'kyën jap tsajptëkoty ma ja wintsë'këntyaknën. Paaty n'ënëëmëtë ko Dios pyaye'eyäämpy tii ko y'o'ktën tääpë ja'ayëty ma ja'ayëtyën tyampë jyuuky'atën.

Lucas 4:24

Ets jyaak'ënany: Tëy miits n'ënëëmëtë ko nitu'uk ja Dios ja kyäjpxynyajxpë oy kyayajkupëky ma nyaax kyajpnën.

Marcos 14:25

Tëy miits n'ënëëmëtë, ka'apës n'ëk'uukanë ya'atë tsatym nyëë, ënätnëmës n'uukëty jatëkok ko ënety jam nyajpaatyës ma Dios ja kyutujktaknën.

Marcos 14:9

Tëy miits n'ënëëmëtë ko oy tyimmaajëty maa ënety yajkajpxwä'kxyën ya'atë oy aaw oy ayuk, yajnikajpxëp näjyëtu'un ets mëj'äämpy nëjkx nyäxy ya'atë to'oxytyëjk mëët mëti'ipë të tunyën mëët ëjts.

Marcos 10:29

Tääts ja Jesús y'ëtsooy: Tëy miits n'ënëëmëtë, pën të t'ëxmatsy ja tyëjk, myëkä'äxtëjk, tyaak tyeety, y'u'unk y'ëna'k, ëkë nyaax mëët ko të tja'akyukë ja oy'aaw oy ayuk ets koos të xymyëpëky,

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Marcos 9:41

Tëyës n'ëna'any, ko pën mmo'ojëtëty ja tëtsyk nyëë tu'ktsim jä'ä ko ënety nja'ay'atë, yajmo'ojëp ja kuma'ayën.

Marcos 9:1

Näyjyëtu'un ja Jesús y'ënëmaayëtë: Tëy miits n'ënëëmëtë ko tää yaa wyë'ëmtë mëti'ipë ka'ap y'ooka'antën koonëm t'ixtëty ko ja Dios ja kyutujkën ënety myiny mëët ja mëk'ajtën.

Marcos 8:12

Tääts ja Jesús ojts mëk xyajku'ty ets y'ënäny: ¿Tii ko ya'atë ja'ay t'amëtowtë tu'uk ja mëj'ajtën? Tëy miits n'ënëëmëtëty ko jëtu'unpë ja ja'ay ka'ap nyitëkëty yajtuk'ixëty nitii mëj'ajtën.

Marcos 6:11

E ma mkayajkupëktën ets ka'ap tmëtowa'antë mëti'ipë mjanikajpxtëpën, mtsoontëp jam. Ënet ja pu'uxm xywyinxitëty mëti'ipë jamën ma mtekyëtyën ets jëtu'un xytyuk'ixtëty ko pokymyëët wyë'ëmtë.

Marcos 3:28

Tëy miits n'ënëëmëtë, yajpokymyä'kxantëp yë ja'ay tu'kë'ëyë yë pyokyëty ets kyajpxtëko'oyënëty,

Mateo 26:21

Kaaytyëp ënety jam, ko ja Jesús y'ënäny: Tëyajtën n'ënëëmëtë ko tu'uk ja ja'ay pyëtsëma'any ma miitsëtyën mëti'ipës xykyë'ëyakaanpën.

Mateo 6:5

Ko miits ja Dios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Dios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 6:2

Paaty, ko ja ëyoopëja'ay xypyutëkëty këtii xiitsow yaatsow xymyëtyaakwa'kxëty ijxtëm y'ëtë'ëtstën tsajptëkotypë tyuntën mëti'ipë nätyijëtëp oyjyä'äy ets në'ëjoty tu'ujoty nyäpyëjkta'akëtë ets ja ja'ay wyintsë'ëkëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Juan 21:18

Tëy mijts t'ënëëmë, ko ijty m'ëna'k'aty, kë'ëm ijty mnäxyoxyë ko muum mnëjkxa'any; e ko nëjkx mmëjja'ayënë mxajwa'kxëp yë mkë'ë ets wiinkpë mxoxëtëty ets myajnëjkxëtëty ma ka'ap xytsyokyën.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Marcos 14:17

Ko tsyu'ujënë, ënät ja Jesús mëët ja y'ijxpëjkpëtëjk jam jyajtë.

Marcos 14:19

Tääts ja y'ijxpëjkpëtëjk jyotmaytyëjkëtyë ets xim yam nyäyajtëëwëtë: ¿Ëjts jëtääjë?

Lucas 22:21

Mëti'ipës xykyë'ëyakaanpën, tyaajës ja mëët nkay ma ya'atë kaaypyäjnën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 13:22

Ënet ja y'ijxpëjkpëtëjk ojts xim yam nyäwyintë'kxëtë, ka'ap nijawëtë pën ja Jesús tyijpy.