Marcos 13:8 - Biblia Dc en Mixe de Quetzaltepec

⁸ Nëjkxëp ja ja'ay xim yam tsyiptuntë, naax kajpn nyänyipëtë'ëkëtëty mëj mutsk. Minaanp ja mëj ujx xii yaa, minaanp ja yuu. Ya'atë yë'ë jëtu'un ënety tyuktso'ontäkpy ja ëyo'on.

Biblia Mixe de Quetzaltepec

⁸ Nëjkxëp ja ja'ay xim yam tsyiptuntë, naax kajpn nyänyipëtë'ëkëtëty mëj mutsk. Minaanp ja mëj ujx xii yaa, minaanp ja yuu. Ya'atë yë'ë jëtu'un ënäty tyuktso'ontäkpy ja ëyo'on.

Marcos 13:8 ပူးပေါင်းရင်းမြစ်များ

2 Crónicas 15:6

Nixim niyam ënety ja naax kajpn je'eyë nyäyajkutëkoyë, jä'äkyëjxm ko ja Wintsën yë'ë tuk'ijxëtëp ja atsë'ëk ajawëpë mëët kanaakpëkpyë ja ëyo'on jotmay.

Salmos 48:6

Yajxon yë tsë'ëkë nyijäämku'tsëtë: jëtu'unyë nyäwyi't nyäxya'tsënëtë mëët ja pëjkën, tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Isaías 19:2

Tääts ja Wintsën y'ënä'äny: Nyajwa'kxäämpyës yam Egiptë kajpn ets aakyë'ë tsyiptuntëty, nëjkxëp nyämyëtsiptsoonyë ja ja'ay mëët ja myëku'uk, ja kajpn mëët ja myënaax myëtsëpa'an, ja yajkutujkpë mëët ja myëku'uk mëti'ipë näjyëtu'un yajkutujkpën.

Isaías 37:3

ets t'ënëëmëtëty ko ja yajkutujkpë jëtu'un ënaanp: Mon tuk tyam nyajpatëmë, mëj këjää ja tëytyu'unën, ka'ap ja jot mëjaawnë, jëtu'un tä tu'uk to'oxytyëjk jyätyën mëti'ipë mëjaawkukëjxëpën ko y'u'unk myääy tyimminanë naaxwiiny.

Jeremias 13:21

Mijts Jerusalén, ¿wi'ix m'ëna'ana'any ko ënety yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 22:23

Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Jeremias 25:32

Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Jeremias 49:24

Yë Damaskë kajpn ka'ap tii mëk'ajtën t'ëkmëët'ajnë, yi'iyë myääpy tyäjpy wi'ix kyä'äka'anyën. Yë tsë'ëkë, monyëtukyë ets ja pëjkën ijxën yë'ë të myëmëtä'äkyë, jëtu'un jyäty tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Jeremias 50:43

Ko yë Babilonyë yajkutujkpë të tnijawë, jëtu'unyë të myoonkëtä'äky të tyujkëtä'äky mëët yë tsë'ëkë, jëtu'un myony tyuky tä to'oxytyëjkën mëti'ipë u'unk maay yajmëxu'unk'atäämpyën.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Zacarías 14:13

Jä'ä xëëw mëktsë'ëkë nëjkx jää nyäxy. Nëjkxëp ja ja'ay ja myëku'uk ja kyë'ë tmajtsë ets nëjkx nyänyipëtë'ëkëtë nixim niyam.

Mateo 24:8

Ko jëtu'un tyunëtëty jyatëtëty, je'eyë ënety ja ëyo'on tsyo'ontä'äkynyëm.

Marcos 13:7

Ko miits xymyëtoy'atëty ko tsip tyunyë ets tyuna'anyë, këtii mtsë'ëkëtëty. Kopkpëky ko jëtu'un tyunëtëty jyatëtëty. E ka'anëm ënety tnapaaty ets naaxwiinyëtë kyëxëty.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënety miits xyajnikëxë'ëktë ma yë'ëjëtyën koos të mymyëpëktë.

Hechos 11:28

Tu'uk txëëwaty Agabo, jä'ä ojts wya'kukë mayjyä'äyjotm ets ojts Kënu'kxymyëkajtën yajkäjpxyë ko ënety y'ita'any ja mëk yuu ma tu'kë'ëyë ja Roma ja y'itjotmën. Jajt jëtu'un ko ja Claudio yajkutujky.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Apocalipsis 6:4

Täätsës wiinkpë ja kwaay n'ijxyës, tsapts y'ixëty, ets ja mëti'ipë tuk'ënyääyëpën ojts t'ëxajë ja mëk'ajtën ets tjëpëkëty ja jotkujk'ajtën naaxwiiny ets ja naaxwiinyëtë ja'ay tyajtsiptunëty ets nixim niyam nyäyaj'ookëtëty, ënät yajmooy tu'uk ja tëypyujxn.