Marcos 13:6 - Biblia Dc en Mixe de Quetzaltepec

⁶ Nimay ja ja'ay nëjkx myintë etsës xy'atuunnaxa'antë ets y'ëna'ana'antë: Ëjts yë Kristë, ets may ja ja'ay nëjkx twin'ëëntë.

Biblia Mixe de Quetzaltepec

⁶ Nimay ja ja'ay nëjkx myintë etsës xy'atuunnaxa'antë ets y'ëna'ana'antë: Ëjts yë Kristë, ets may ja ja'ay nëjkx twin'ëëntë.

Marcos 13:6 ပူးပေါင်းရင်းမြစ်များ

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Juan 5:43

Nteetyës të xyajminy ets ka'ap miitsëty të xykyupëktës; e ko jeexyë pën y'ëkminy tsojkënkyëjxm, mkupëjktëp jeexyë.

Mateo 24:11

May nëjkx nyätyijëtë Dios kyäjpxynyajxpë ets may ja ja'ay nëjkx twin'ëëny.

Mateo 24:5

Jä'ä ko may ja ja'ay myina'any ijxtëm jeexyë ëjtsën ets y'ëna'ana'any: Ëjts jëtu'un ja Kristë ets may ja ja'ay twin'ëëna'any.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

Marcos 13:5

Tääts ja Jesús y'ëtsooy: Näkyëwent'atëtë, ijxkëm pën mwin'ëënëtë.

Marcos 13:7

Ko miits xymyëtoy'atëty ko tsip tyunyë ets tyuna'anyë, këtii mtsë'ëkëtëty. Kopkpëky ko jëtu'un tyunëtëty jyatëtëty. E ka'anëm ënety tnapaaty ets naaxwiinyëtë kyëxëty.

Juan 8:28

Paaty ojts y'ënë'ëmxëtë: Ko ënety miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Dios Teety të xytyuk'ijxpëkyën.