Marcos 13:19 - Biblia Dc en Mixe de Quetzaltepec

¹⁹ jä'ä ko jää nëjkx ja mëj ëyo'on tyunyë jyätyë mëti'ipë ka'anëm yaj'ixynyëm, mëti'ipë ni wintiinëm jëtu'un kyajaty kyakëpetyën maju'unëm ja Dios tyajtso'ntä'äkyën yë naaxwiinyëtë ets nijëna'a jatëkok nëjkx jëtu'un kya'ëkjajnë.

Biblia Mixe de Quetzaltepec

¹⁹ jä'ä ko jää nëjkx ja mëj ëyo'on tyunyë jyätyë mëti'ipë ka'anëm yaj'ixynyëm, mëti'ipë ni wintiinëm jëtu'un kyajaty kyakëpetyën maju'unëm ja Tios tyajtso'ntä'äkyën yë naaxwiinyëtë ets nijëna'a jatëkok nëjkx jëtu'un kya'ëkjajnë.

Marcos 13:19 ပူးပေါင်းရင်းမြစ်များ

Daniel 12:1

Ënet jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënety jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Mateo 24:21

Mëk nëjkx ja ëyo'on jotmay yaj'ixy, mëti'ipë ka'ap nijëna'a yaj'ixynyëmën maju'unëm ja naaxwiinyëtë tsyo'ontä'äkyën ets ka'ap jëtu'un ok y'ëkyaj'ixanë.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Marcos 10:6

Ko ja Dios tyajkojtso'ontäky winë, ye'etyëjk ets to'oxytyëjk ojts tpëjktä'äky.

Daniel 9:12

Mijts tëëjës xytyuknikäxtë ja ëyo'on jotmay mëjwiin këjää ets të xyaj'atyë jëtu'un ja m'aaw m'ayuk mëti'ipë ojts xyjyanikäjpxyën ma ëëtsëtyën ets ma ja nkutujkpëtëjkëtyësën; jä'ä ko kamaa jëtu'un ëyo'on jotmay kyayaj'ixynyëm tä jam Jerusalén të kyëtä'äkyën.

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Deuteronomio 28:59

Yë'ë nëjkx mtuknikexyë pa'am ëyo'on mëkëtypë, mëti'ipë ka'ap tsyooypyäätyën, jëtu'un ma mijtsën ets ma m'u'unk m'ëna'kën.

Deuteronomio 4:32

Yë'ë ëkmëmay ëkmëtajtë ja tëëyëpë. Yë'ë ëk'ixtë ma Dios ojts ëka'any yë naaxwiinyëtë ja'ay tyajkojyën. Nëjkx yajnitëwëtë oymyaajëty pën tëë jëtu'un winë y'ëktuun y'ëkjajtëpë ëkë pën tëë winë y'ëkyajnija'apë tä tyamën.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Marcos 13:18

Ja'amyätstë ets amëtowtë ja Dios këtiipë jëtu'un jyatëty kyëpätëty jää it ma ënety tyityk'atyën,

Marcos 13:20

Ets ko ja Wintsën jeexyë tka''akajpxtuky ja ëyo'on, ka'ap jeexyë pën ja nitsokën tpaaty; tëë ja Wintsën tyaj'akony ja ëyo'on jä'äkyëjxm ko jam jyuuky'atë ja ja'ay mëti'ipë të twin'ixyën.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.