Marcos 13:12 - Biblia Dc en Mixe de Quetzaltepec

¹² Nimay ja ja'ay tu'kmëkä'äxpë nyäkyë'ëyaka'anëtë ets y'ooktëty. May ja u'unkteety, u'unktaak ja y'u'unk y'ëna'k nëjkx tmëtsipëktë ets tkë'ëyaktë. Näyjyëtu'un ja u'unk ëna'k ja tyaak tyeety nëjkx tmëtsipëktë ets tyaj'ooktë.

Biblia Mixe de Quetzaltepec

¹² Nimay ja ja'ay tu'kmëkä'äxpë nyäkyë'ëyaka'anëtë ets y'ooktëty. May ja u'unkteety, u'unktaak ja y'u'unk y'ëna'k nëjkx tmëtsipëktë ets tkë'ëyaktë. Näyjyëtu'un ja u'unk ëna'k ja tyaak tyeety nëjkx tmëtsipëktë ets tyaj'ooktë.

Marcos 13:12 ပူးပေါင်းရင်းမြစ်များ

Ezequiel 38:21

Ma Gog kajpnën nyajminäämpyës yë ëyo'on jotmay atsë'ëk ajawëpë, ntëytyunäämpyës mëët yë pa'am ëyo'on ets o'kën tëko'oyën mëkpë tsaatsypë. Ma yë'ëjën mëët yë tsyiptuunpëtëjk ets naax kajpn mëti'ipë putëjkëyëpën nyajkomtu'ujäämpyës, nyajtëtsntu'ujäämpyës ets nyajtu'ujäämpyës yë jëën mëti'ipë tsääpy no'kpën ets nëjkx yë tsyiptuunpëtëjk nyänyipëtë'ëkyë aakyë'ë mëët yë tëypyujxn. Ëjts Wintsën, ëjts ënaanp.

Mateo 10:21

Nëjkxëp ja ja'ay ja y'uty ëkë ja y'äjty tkë'ëyäky o'këntum, näjyëtu'un ja teety taak, nëjkxëp ja y'u'unk y'ëna'k tkë'ëyäky ets ja u'unk ëna'k myëtsiptsoonäämpy ja tyeety tyaak ets nëjkxëp tyaj'ooky.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Marcos 13:11

Ets këtii maytyëty mtajtëty ko ënety myajtukwinkuwowëtë ja kutuunktëjk. Jëtu'un m'ëna'antëty wi'ix ënety ja Kënu'kxymyëkajtën jää myaj'ayukpaatëtën, ka'ap nëjkx myiitsëty mkajpxtë, Kënu'kxymyëkajtën nëjkx myajkajpxëtë.

Marcos 13:13

M'aakmëtsip'atëtëp ja ja'ay koos ënety ëjts xymyëpëktë, e mëti'ipë ta'tspëky tënääpyën, yë'ë nitso'okaanp.

Lucas 21:16

Yë'ëpaat nëjkx yë mtaak mteety mkë'ëyakëtë, näjyëtu'un yë mjëëky mmëku'ukëty ets mëti'ipë mëët mnämyäyëtën ets tam mëti'ipë nëjkx myaj'ookëtën.