Marcos 12:6 - Biblia Dc en Mixe de Quetzaltepec

⁶ Jamts ja kukam tu'uk ja myaank, mëti'ipë ni'ik tsyojkpyën. Yë'ë ojts tkexy. Jëtu'un myäy tyäjy: Wyinkutsë'ëkëtëp ënät yë n'u'unkës.

Biblia Mixe de Quetzaltepec

⁶ Jamts ja kukam tu'uk ja myaank, mëti'ipë ni'ik tsyojkpyën. Yë'ë ojts tkexy. Jëtu'un myäy tyäjy: Wyinkutsë'ëkëtëp ënät yë n'u'unkës.

Marcos 12:6 ပူးပေါင်းရင်းမြစ်များ

Juan 1:34

Tëës n'ixy, ëjts ijxpë nija'apës je'eyë ko yë'ë Dios y'u'unk'atyë.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

1 Juan 4:9

Tëë ja Dios xytyuk'ijxëm ja tsyojkën ko ja tu'kpajkpë ja y'U'unk të xytyuknikäjxëmë yaa naaxwiiny ets ja juukyajtën të xytyukpatëmë.

Hebreos 1:6

Näyjyëtu'un wiinktsow y'ënä'äny ko tkejxy yaa naaxwiiny ja y'u'unk, mëti'ipë ijtpën ijxtëm ja kä'äxkopkën, ko tu'kë'ëyë ja Dios ja y'anklës t'ëwtatëty ja Dios U'unk.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Juan 3:35

Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Lucas 9:35

Ënet tmëtoowtë yootsjoty tu'uk ja ayuk: Ëjts ya'atë n'u'unk, mëti'ipës të nwin'ixyën. Mëtoow'itë wi'ix y'ënä'änyën.

Lucas 3:22

ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Marcos 9:7

Ënet ja yoots ojts myiny ma ënety jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Marcos 1:11

ets yajmëtooy tu'uk ja ayuk jam tsajpjotm y'ënä'äny: Mijts n'u'unk'ajtyp, mëti'ipës ntsojkpyën, tëëpës.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Génesis 37:3

Yë Jacob mëk ijty tsoky yë José këtiinëm jëtu'un ja wiinkëtpyë ja y'u'unk y'ëna'k. Jä'ä ko yë'ë ënety ok të jyaak miny naaxwiiny, ko ja Jacob ënety të myëjja'ayënë. Paaty ojts tu'uk yë nyijän janty oypyë t'oytyuunë kë'ëyenypë.

Génesis 22:12

Y'ënäny ja Dios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Dios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Génesis 22:2

Tää yë Dios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Génesis 44:20

ets ojts ëëtsëty n'ëtsowtë ko nmëët'atës yë nteety ets tëë myëjja'ayënë ets tu'uk yë n'utyëtyës mëti'ipë mutsknëmën, mëti'ipë ojts jää myëxu'unk'atyën ma ënety yë nteetyëtyës të myëjja'ayënën. Jëtu'un ojts mijts n'ënëëmëtë ko yë nteetyëtyës tsyojkpy jya'ap oy yë myaank, jä'ä ko yi'iyë tu'uk jyaak u'unk'ajtyp ma tu'ukyë tukmuktën ja tyaak tyi'tskëty, jä'ä ko ja y'äjty ojts ja y'o'knë.

Marcos 12:5

Ënet ja wiinkpë tkejxy ets tyaj'o'ktë. Ojts ok ja tyuunpë nimay tjaakkexy. Tam mëti'ipë wyojptën ets tam mëti'ipë yaj'o'ktën.

Marcos 12:7

E ko ja naax ënu'kxypë t'ijxtë ko ja kukam ja y'u'unk myiny, tääts nyäy'ënanëtë: Yë'ë ya'atë kam myëwë'ëmäämpy, oy ntimyaj'o'kmëty ets ëëtsajtëm nmëwë'ëmëty yë kam.

3 Juan 1:1

Ja mëjja'ay Juan. Tkajpxpo'kxy ja nmëku'uk'ajtëm Gayo, mëti'ipë mëtëy tsojkp ja'apën.