Marcos 12:35 - Biblia Dc en Mixe de Quetzaltepec

³⁵ Jam ënety ja Jesús yaj'ixpëky ma ja mëjtsajptëjkën, ets y'ënäny: ¿Tii ko yë tsajptëkotyëtë yaj'ijxpëjkpëtëjk y'ëna'antë ko yë Kristë David yë y'u'unk y'ok?

Biblia Mixe de Quetzaltepec

³⁵ Jam ënäty ja Jesús yaj'ixpëky ma ja mëjtsajptëjkën, ets y'ënäny: ¿Tii ko yë tsajptëkotyëtë yaj'ijxpëjkpëtëjk y'ëna'antë ko yë Kristë David yë y'u'unk y'ok?

Marcos 12:35 ပူးပေါင်းရင်းမြစ်များ

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Juan 18:20

Ets ja Jesús t'ëtsooy: Tëës nnikäjpxy nikëxë'ëky mayjyä'äyjoty; xëmë ijty jap tsajptëkoty nyaj'ijxpëkyës ets näjyëtu'un ma ja mëjtsajptëjkën ma ja jutiis ja'ayëty ye'eymyuktën. Ka'apës ma tii yu'utsy të nnikäjpxy.

Juan 7:42

Jëtu'un ja Dios ja y'aaw y'ayuk y'ënä'äny ko ja yajkutujkpë David ja y'u'unk y'ok nëjkx Kristë'aty ets jam tsyoona'any Belén, jä'ä ko jam ja David ijty kyukajpnëty.

Lucas 21:37

Winjëpom ja Jesús ijty yaj'ixpëky ma ja mëjtsajptëjkën ets koots nyijkx ma ja Olivo Kopkën.

Lucas 20:1

Tëkok ja Jesús ënety yaj'ixpëky ma ja mëjtsajptëjkën, ja oy aaw oy ayuk nyikäjpxyp. Tääts ja teety wintsëntëjk jam jyajtë mëët ja tsajptëkotyëtë yaj'ijxpëjkpëtëjk ets ja mëjja'aytyëjkëty,

Lucas 19:47

Jëpom jëpom ja Jesús ijty yaj'ixpëky ma ja mëjtsajptëjkën; ets ja teety wintsënëty, tsajptëkotyëtë yaj'ijxpëjkpëty ets mëti'ipë ja kajpn nyiwintsën'ajtëpën, yajxon ja winma'any tjajanty'ixta'atë wi'ix ja Jesús tyaj'ooktëtyën.

Marcos 11:27

Tääts jatëkok jyajtë jam Jerusalén. Tap ënety ja Jesús jyëtity ma tsajptëjkën, ko ojts nyiminëtë ja teety wintsën, tsajptëkotyëtë yaj'ijxpëjkpëtëjkëty ets ja mëjja'aytyëjkëty.

Mateo 9:27

Ko ja Jesús jam tsyo'ony ets ja ja'ay wiintspë nimäjtsk pyatso'onë yaxp jojkp: Pa'ëyoowtëkës, David yë myaank.

Marcos 10:1

Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënet ja ja'ay nimay myujktë jatëkok ma ënety jamën ets ojts tyaj'ijxpëjktsoony, ijxtëm xëmë yaj'ijxpëkyën.

Marcos 14:49

Jëpom të nyajpaaty mëët miitsëty ko nyaj'ijxpëktë ma ja mëjtsajptëjkën ets ka'ap miits të xymyatstës. Paaty jëtu'un tyam tyunyë jyätyë winë ets ja Dios ja y'aaw y'ayuk y'atëwëty.