Marcos 12:33 - Biblia Dc en Mixe de Quetzaltepec

³³ Ets ko ja Dios tu'ukyë ntsojkmëty mëët tu'kë'ëyë ja'awën ets mëët tu'kë'ëyë jot winma'any ets mëët tu'kë'ëyë mëk'ajtën; ets ko nmëku'uk'ajtëm ntsojkmëty ijxtëm kë'ëm nätsyojkëmën, nikë oy jëtu'un këtiinëm ko jëyujk ëkë tii ntukwintsë'këmëty ja Dios ets ko tii ntukwino'k ntukwinxa'amëty.

Biblia Mixe de Quetzaltepec

³³ Ets ko ja Tios tu'ukyë ntsojkmëty mëët tu'kë'ëyë ja'awën ets mëët tu'kë'ëyë jot winma'any ets mëët tu'kë'ëyë mëk'ajtën; ets ko nmëku'uk'ajtëm ntsojkmëty ijxtëm kë'ëm nätsyojkëmën, nikë oy jëtu'un këtiinëm ko jëyujk ëkë tii ntukwintsë'këmëty ja Tios ets ko tii ntukwino'k ntukwinxa'amëty.

Marcos 12:33 ပူးပေါင်းရင်းမြစ်များ

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Mateo 12:7

Jëtu'un ja Dios ja y'aaw y'ayuk y'ënä'äny: Yë'ëjës ntsojkpy ets xymyëët'atëty ja pa'ëyo'owën, ka'ap yë'ëjëty koos xytyukwintsë'ëkëtëty ja jëyujk tsajpkaa. Ko jeexyë xy'ëkwinmëtowtë pën wi'ix jëtu'un tijy, ka'ap jeexyë xypoky'ixtë mëti'ipë ka'ap tii poky tuntën.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Hebreos 10:8

Tëë ja Kristë jëwyiin nimëtyä'äky ko ja Dios ka'ap tsoky ets ka'ap tukjotkëtä'äky ja wintsë'kën ko ja ja'ay ja jëyujk tjayaj'ooktë ets tyajnitoytyë ets ja poky jeexyë wya'atstë.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.