Marcos 12:29 - Biblia Dc en Mixe de Quetzaltepec

²⁹ Tääts ja Jesús y'ëtsooy: Ya'atë ënä'ämën ni'ik kopkpëky: Israel ja'ayëty, mëtowtë; yë Wintsën, nTios'ajtëmë tu'ukyë je'eyë.

Biblia Mixe de Quetzaltepec

²⁹ Tääts ja Jesús y'ëtsooy: Ya'atë ënä'ämën ni'ik kopkpëky: Israel ja'ayëty, mëtowtë; yë Wintsën, nTios'ajtëmë tu'ukyë je'eyë.

Marcos 12:29 ပူးပေါင်းရင်းမြစ်များ

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

Lucas 10:27

Tääts ja tsajptëkotyëtë yaj'ijxpëjkpë y'ëtsooy: Tsok ja Wintsën mëët tu'kë'ëyë ja mja'awën, mëët tu'kë'ëyë ja mjot mwinma'any, mëët tu'kkë'ëyë ja mmëkajtën ets tsok yë mmëku'uk ijxtëm kë'ëm mnätsyokyën.

Gálatas 3:20

E ko ja Dios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

Romanos 3:30

jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

Mateo 23:9

Këtii näjyëtu'un pën xytyijtëty teety yaa naaxwiiny, jä'ä ko tu'ukyë je'eyë ja mTeetyëty xymyëët'atë, mëti'ipë jamën tsajpjotm.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.