Marcos 12:24 - Biblia Dc en Mixe de Quetzaltepec

²⁴ Tääts ja Jesús y'ëtsoowëtë: Mkajpxtëkooytyëp miitsëty, jä'äkyëjxm ko xykyanijawëtë ja Dios ja y'aaw y'ayuk ets ka'ap xynyijawëtë ja myëk'ajtën.

Biblia Mixe de Quetzaltepec

²⁴ Tääts ja Jesús y'ëtsoowëtë: Mkajpxtëkooytyëp miitsëty, jä'äkyëjxm ko xykyanijawëtë ja Tios ja y'aaw y'ayuk ets ka'ap xynyijawëtë ja myëk'ajtën.

Marcos 12:24 ပူးပေါင်းရင်းမြစ်များ

Juan 20:9

Jä'ä ko ka'anëm ënety oy tmëpëky mëti'ipë miinpën kuja'ay ko kopkpëky ko jatëkok jyuukpyëka'any.

Mateo 22:29

Tääts ja Jesús y'ëtsooy: Mkajpxtëkooytyëp miitsëty, jä'ä ko xykyanijawëtë ja Dios ja y'aaw y'ayuk ets ni xykyanijawëtë ja myëk'ajtën.

Efesios 1:19

ets näjyëtu'un xyjyä'äkyukëtëty ko ja Dios ja myëk'ajtën ka'ap kyixy kyäxy, yë'ë tuunp ma ëëtsajtëmën ko nmëpëjkëmë. Ya'atë mëk'ajtën nän yë'ë mëti'ipë Dios ojts tyaj'ixyën mëët ja kuttujkën

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Romanos 15:4

Paaty ojts tu'kë'ëyë winë yajjaaywyi'imy ets xytyuk'ijx xytyuknija'awëmëty, ets amëk jotmëk nmëtënä'ämyëty ja ëyo'on mëti'ipë nmënajx nyajnajxëmën, jëtu'un nmëët'ajtmëty ja jotkujk'ajtën ko ja Dios ëmuumtu'ukjot njëjp'ijxëmë.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Marcos 10:27

Tääts ja Jesús ojts wyintë'kxëtë ets y'ëtsoowëtë: Yë ja'ayëty tsip yë tjawëtë, yë Dios ka'ap tiitsip tjawë; jä'ä ko yë'ë maaytyääyëp winë.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Lucas 1:37

Dios, ka'ap tii tyajtsiptä'äky.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Oseas 8:12

Oyës të njatuknijayë may yë n'ijxpëjkënës, yë'ë jëtu'un të tmëët'aty tä jeexyë ka'ap tjä'äjëtyën.

Marcos 12:23

E ko ënety ja o'kpë jyuukpyëktë, ¿pën nëjkx ya'atë ja to'oxytyëjk to'oxytyëjk'aty? tëëxë ënety tpëjk'apëtsëmta'ay ja ye'etyëjk tu'kkä'äxpë.

Marcos 12:25

Ko ja o'kpë jyuukpyëktëty, ni pën nëjkx jää kya'ëkpëjk kya'ëk'uknë. Jëtu'un nëjkx y'itë ja ja'ayëty ijxtëm yë Dios kukäjpxy jam tsajpjotm.