Marcos 12:17 - Biblia Dc en Mixe de Quetzaltepec

¹⁷ Ënet ja Jesús y'ënëmaayëtë: Mo'otë ja César mëti'ipë César jyä'ä'ajtypyën ets mo'otë ja Dios mëti'ipë Dios jyä'ä'ajtypyën. Ko ja Jesús jëtu'un y'ënäny, mëjmëtoy ojts ja ja'ay tjawëtë.

Biblia Mixe de Quetzaltepec

¹⁷ Ënät ja Jesús y'ënëmaayëtë: Mo'otë ja César mëti'ipë César jyä'ä'ajtypyën ets mo'otë ja Tios mëti'ipë Tios jyä'ä'ajtypyën. Ko ja Jesús jëtu'un y'ënäny, mëjmëtoy ojts ja ja'ay tjawëtë.

Marcos 12:17 ပူးပေါင်းရင်းမြစ်များ

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Proverbios 24:21

U'unk maay, wiinkutsë'ëkë yë Dios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Mateo 22:21

Tääts y'ëtsoowtë: Ja yajkutujkpë. Ënet ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Dios mëti'ipë paat'ajtëpën.

Mateo 22:22

Ko jëtu'un tmëtoowtë, mëjmëtoy ojts tjawëtë, ënät tpuwa'ktutë ets ojts nyëjkxtë.

Mateo 22:33

Ko ja ja'ay jëtu'un tmëtoowtë, mëjmëtoy ojts tjawëtë ko ja Jesús jëtu'un yaj'ijxpëjkëtë.

Mateo 22:46

Ni tuk'aaw pën tkajajty t'ëtsoowinpitëty ja Jesús, je'eyë jëtu'un t'ëxmajtstë ka'ap ojts pën nëkoo tii t'ëkyajtëëwnë.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Marcos 12:16

Tääts ojts tmo'otë ets tyajtëëy: ¿Pën ya'atë wyiin jyëjp yam këxkojy, pën tyë xyëëw këxja'ay miimp? Tääts y'ëtsoowtë: Yë'ë yajkutujkpë César.

Marcos 12:30

Tsok ja Wintsën mëët tu'kë'ëyë mja'awën, mëët tu'kë'ëyë mjot mwinma'any ets mëët tu'kë'ëyë ja mmëkajtën. Ya'atë ni'ik kopkpëky.

Lucas 20:25

Tääts ja Jesús y'ënëmaayëtë: Mo'otë ja yajkutujkpë mëti'ipë yë'ë jyä'ä'ajtypyën ets mo'otë ja Dios mëti'ipë yë'ë jyä'ä'ajtypyën.

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Romanos 13:7

Yaktë nijä'äjaty mëti'ipë paat'ajtëpën. Mëti'ipë mëpaat xykëpätën, yaktë ja m'ayajk m'ako'onënëty; pën jam ja këpäjtën myuky, yaktë ja mjä'äjëty; pën nitëjkëyëp yajwinkutsë'ëkëty, wiinkutsë'ëkëtë; pën paat'ajtëp mëj y'itëty, mëj yajnaxtë.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Dios ets ja yajkutujkpë kopk.